Baby Movie | అందరూ సొంత కథగా ఫీల్‌ అవుతారు

ఆనంద్‌ దేవరకొండ, విరాజ్‌ అశ్విన్‌, వైష్ణవి చైతన్య ముఖ్యతారలుగా నటించిన చిత్రం ‘బేబీ’. సాయి రాజేష్‌ దర్శకుడు. ఈ నెల 14న చిత్రం విడుదల కానుంది. ఈ సందర్భంగా చిత్ర నిర్మాత ఎస్‌కేఎన్‌ తన పుట్టినరోజు సందర్భంగా బేబీ విశేషాలను పంచుకున్నారు.

Baby Movie | ఆనంద్‌ దేవరకొండ, విరాజ్‌ అశ్విన్‌, వైష్ణవి చైతన్య ముఖ్యతారలుగా నటించిన చిత్రం ‘బేబీ’. సాయి రాజేష్‌ దర్శకుడు. ఈ నెల 14న చిత్రం విడుదల కానుంది. ఈ సందర్భంగా చిత్ర నిర్మాత ఎస్‌కేఎన్‌ తన పుట్టినరోజు సందర్భంగా బేబీ విశేషాలను పంచుకున్నారు. ఆయన మాట్లాడుతూ “బేబీ’ మూవీ విడుదలకు ముందు జరుగుతున్న ఈ పుట్టినరోజు ప్రత్యేకమైనదిగా భావిస్తున్నాను. ఇదొక హై ఇంటెన్స్‌ ఎమోషనల్‌ ప్రేమకథ. సంగీతం కూడా చాలా బాగుంటుంది.

ఈ మధ్య కాలంలో ఈ స్థాయి చిత్రాలలో బెస్ట్‌మ్యూజిక్‌ అని చెప్పొచ్చు. సీన్స్‌, డైలాగ్స్‌ కొత్తగా వుంటాయి. ఇంతవరకు చూడని కొత్త సన్నివేశాలు ఈ చిత్రంలో చాలా ఉంటాయి. హీరో ఆనంద్‌ కెరీర్‌లో ఈ సినిమా ఓ మైలురాయిగా మిగిలిపోతుంది. సినిమా చూసిన ప్రతి ఒక్కరూ ఇది నా కథ అని ఫీల్‌ అవుతూ బరువెక్కిన హృదయంతో థియేటర్‌ నుండి వెళతారు. త్వరలోనే నా నిర్మాణంలో మరికొన్ని సినిమాలు నిర్మించడానికి ప్లాన్‌ చేస్తున్నాను. వాటి వివరాలు త్వరలోనే అధికారికంగా తెలియజేస్తాను’ అన్నారు.