టెన్నిస్‌ సంఘం ఎన్నికల బరిలో సానియా, భూపతి

అఖిల భారత టెన్నిస్‌ సంఘం (ఏఐటీఏ) వచ్చే నెల 7న నిర్వహించనున్న విశిష్ట క్రీడాకారుల (ఎస్‌ఓఎం)ఎన్నికల రేసులో భారత టెన్నిస్‌ దిగ్గజాలు మహేశ్‌ భూపతి, సానియా మీర్జా నిలిచారు. ఈ ఇద్దరూ జనరల్‌ బాడీతో పాటు ఎగ్జిక్యూటివ్‌ కమిటీ స్థానాలకు ఆదివారం నామినేషన్లు దాఖలు చేశారు.

న్యూఢిల్లీ: అఖిల భారత టెన్నిస్‌ సంఘం (ఏఐటీఏ) వచ్చే నెల 7న నిర్వహించనున్న విశిష్ట క్రీడాకారుల (ఎస్‌ఓఎం)ఎన్నికల రేసులో భారత టెన్నిస్‌ దిగ్గజాలు మహేశ్‌ భూపతి, సానియా మీర్జా నిలిచారు. ఈ ఇద్దరూ జనరల్‌ బాడీతో పాటు ఎగ్జిక్యూటివ్‌ కమిటీ స్థానాలకు ఆదివారం నామినేషన్లు దాఖలు చేశారు. అయితే, ఏఐటీఏ అధ్యక్ష పదవికి పోటీ పడతారని భావించిన మరో దిగ్గజం లియాండర్‌ పేస్‌ ఈ ఎన్నికల్లో నామినేషన్‌ వేయకపోవడం గమనార్హం. నూతన క్రీడా పాలన చట్టం ప్రకారం రాష్ట్ర సంఘాల్లో పాలనా అనుభవం లేని పేస్‌ ఎస్‌ఓఎం కోటా నామినేషన్‌ కూడా వేయకపోవడంతో వచ్చే నెల 27న జరిగే ఏఐటీఏ అధ్యక్ష పదవి రేసు నుంచి తప్పుకున్నట్లయింది.