నేడు ఢిల్లీలో ఎల్పీజీ డిస్ట్రిబ్యూటర్ల సంఘం నిరసన

కమీషన్లు, ఇతర చార్జీల పెంపును సమగ్రంగా సమీక్షించాలని డిమాండ్‌ చేస్తూ దేశవ్యాప్తంగా ఉన్న ఎల్పీజీ పంపిణీదారులు సోమవారం న్యూఢిల్లీలోని సీబీడీ మైదానంలో నిరసన ప్రదర్శన చేపట్టనున్నారు.

న్యూఢిల్లీ : కమీషన్లు, ఇతర చార్జీల పెంపును సమగ్రంగా సమీక్షించాలని డిమాండ్‌ చేస్తూ దేశవ్యాప్తంగా ఉన్న ఎల్పీజీ పంపిణీదారులు సోమవారం న్యూఢిల్లీలోని సీబీడీ మైదానంలో నిరసన ప్రదర్శన చేపట్టనున్నారు. తమ డిమాండ్లను పరిష్కరించకపోతే నిరవధిక సమ్మె చేపడతామని ఎల్పీజీ పంపిణీదారుల సంఘం(ఇండియా) హెచ్చరించింది.

ఆదివారం ఢిల్లీలో జరిగిన మీడియా సమావేశంలో సంఘం జాతీయాధ్యక్షుడు బి.ఎస్‌.శర్మ మాట్లాడుతూ కమీషన్లు, పరిపాలన చార్జీలు, ఇంటి డెలివరీ చార్జీల సమగ్ర సమీక్ష 8 ఏండ్లుగా పెండింగ్‌లో ఉందని తెలిపారు. గోదాం నుంచి వినియోగదారుడి ఇంటికి గ్యాస్‌ సిలిండర్‌ డెలివరీ చేసినందుకు డిస్ట్రిబ్యూటర్లకు కేవలం రూ.35 లభిస్తున్నదని ఆరోపించారు.