Visit:
అడివిశేష్‌ నటిస్తున్న హైలీ యాంటిసిపేటెడ్‌ పాన్‌ ఇండియా థ్రిల్లర్‌ ‘డెకాయిట్‌’. మృణాల్‌ ఠాకూర్‌ కథానాయిక. షానియల్‌ డియో దర్శకుడు. సుప్రియా యార్లగడ్డ నిర్మాత. డిసెంబర్‌ 25న క్రిస్మస్‌ కానుకగా సినిమా విడుదల కానుంది. ప్రమోషన్‌లో భాగంగా ఇటీవలే విడుదలైన ఈ సినిమా గ్లింప్స్‌.. ఇంటెన్స్‌ యాక్షన్‌, ైస్టెలిష్‌ విజవల్స్‌తో ఆకట్టుకుంటుందని, దేశవ్యాప్తంగా సంచలనం సృష్టించిందని మేకర్స్‌ చెబుతున్నారు.
తాజాగా ఈ సినిమాకు సంబంధించిన ఫైర్‌ థీమ్‌ని మేకర్స్‌ విడుదల చేశారు. భీమ్స్‌ సిసిరోలియో స్వరపరిచిన ఈ థీమ్‌ ఆడియన్స్‌కి ఓ భిన్నమైన అనుభూతిని అందిస్తుందని మేకర్స్‌ చెబుతున్నారు. ఈ చిత్రానికి సహ నిర్మాత: సునీల్‌ నారంగ్‌, సమర్పణ: అన్నపూర్ణ స్టూడియోస్‌.
