ఆకాశానికి కలల నిచ్చెన

కెరీర్‌ ఆరంభం నుంచి వైవిధ్యమైన కథల్ని ఎంచుకుంటూ ప్రేక్షకుల్ని అలరిస్తుంటారు మలయాళ అగ్ర హీరో దుల్కర్‌ సల్మాన్‌. ఆయన కథానాయకుడిగా నటిస్తున్న మరో వినూత్న కథా చిత్రం ‘ఆకాశంలో ఒక తార’. పవన్‌ సాధినేని దర్శకత్వం వహిస్తున్న ఈ చిత్రాన్ని గీతా ఆర్ట్స్‌, స్వప్న సినిమాస్‌ సమర్పిస్తున్నాయి.

కెరీర్‌ ఆరంభం నుంచి వైవిధ్యమైన కథల్ని ఎంచుకుంటూ ప్రేక్షకుల్ని అలరిస్తుంటారు మలయాళ అగ్ర హీరో దుల్కర్‌ సల్మాన్‌. ఆయన కథానాయకుడిగా నటిస్తున్న మరో వినూత్న కథా చిత్రం ‘ఆకాశంలో ఒక తార’. పవన్‌ సాధినేని దర్శకత్వం వహిస్తున్న ఈ చిత్రాన్ని గీతా ఆర్ట్స్‌, స్వప్న సినిమాస్‌ సమర్పిస్తున్నాయి. ఇప్పటికే విడుదలైన ఫస్ట్‌లుక్‌, టీజర్‌ సినిమాపై ఆసక్తిని పెంచాయి. ఈ చిత్రం ద్వారా సాత్విక వీరవల్లి కథానాయికగా పరిచయమవుతున్నది. సోమవారం ఆమె ఫస్ట్‌లుక్‌తో పాటు క్యారెక్టర్‌ టీజర్‌ను విడుదల చేశారు.

ఓ పల్లెటూరి అమ్మాయి ఆకాంక్షలకు అద్దం పట్టే కథ ఇదని టీజర్‌ను చూస్తే అర్థమవుతున్నది. ‘రోడ్డు కూడా సరిగ్గా లేని ఈ ఊరు నుంచి ఆకాశానికి నిచ్చెన వేశావా? ఈ ఊరు పొలిమేర దాటి చూపించు చూద్దాం..’ అంటూ కథానాయికను సవాలు చేస్తూ ఓ వ్యక్తి చెప్పిన డైలాగ్‌ కథ తాలూకు భావోద్వేగాలను ఆవిష్కరించేలా ఉంది. జీవీ ప్రకాష్‌ కుమార్‌ బ్యాక్‌గ్రౌండ్‌ మ్యూజిక్‌ ఆకట్టుకుంది. ఇప్పటివరకు 30శాతం చిత్రీకరణ పూర్తయిందని, వేసవిలో పాన్‌ ఇండియా స్థాయిలో విడుదల చేస్తామని మేకర్స్‌ తెలిపారు. ఈ చిత్రానికి రచన: గంగరాజు గుణ్ణం, నిర్మాతలు: సందీప్‌ గుణ్ణం, రమ్య గుణ్ణం, దర్శకత్వం: పవన్‌ సాధినేని.