Hybrid Funds | హైబ్రిడ్‌ ఫండ్స్‌ అంటే తెలుసా?.. మదుపరులకు అధిక రాబడులు నిజమేనా?

హైబ్రిడ్‌ ఫండ్స్‌ అనేవి మ్యూచువల్‌ ఫండ్స్‌. రకరకాల ఆస్తుల్లో పెట్టుబడులు పెడుతాయి. ప్రధానంగా ఈక్విటీ, డెట్‌ శ్రేణి ఇన్వెస్ట్‌మెంట్స్‌ ఉంటాయి. గోల్డ్‌, రియల్‌ ఎస్టేట్‌ పెట్టుబడులకూ వీలుంది. అయితే ఈక్విటీ, డెట్‌ కలిపి రెండింట్లోనూ పెట్టుబడులు ఆరంభించిన దగ్గర్నుంచి ఈ హైబ్రిడ్‌ ఫండ్స్‌ డెట్‌ ఫండ్స్‌ కంటే మదుపరులకు అధిక రాబడులను ఇస్తున్నాయి.

Hybrid Funds | హైబ్రిడ్‌ ఫండ్స్‌ (Hybrid Funds) అనేవి మ్యూచువల్‌ ఫండ్స్‌. రకరకాల ఆస్తుల్లో పెట్టుబడులు పెడుతాయి. ప్రధానంగా ఈక్విటీ, డెట్‌ శ్రేణి ఇన్వెస్ట్‌మెంట్స్‌ ఉంటాయి. గోల్డ్‌, రియల్‌ ఎస్టేట్‌ పెట్టుబడులకూ వీలుంది. అయితే ఈక్విటీ, డెట్‌ కలిపి రెండింట్లోనూ పెట్టుబడులు ఆరంభించిన దగ్గర్నుంచి ఈ హైబ్రిడ్‌ ఫండ్స్‌ డెట్‌ ఫండ్స్‌ కంటే మదుపరులకు అధిక రాబడులను ఇస్తున్నాయి. అంతేగాక ఈక్విటీ ఫండ్స్‌ కంటే తక్కువ రిస్క్‌తోకూడి ఉంటున్నాయి.

హైబ్రిడ్‌ ఫండ్స్‌ల్లో ఏయే రకాలు?

ఫండ్‌లో అసెట్‌ తరగతుల కూర్పు ఆధారంగా మార్కెట్‌ రెగ్యులేటర్‌ సెబీ.. హైబ్రిడ్‌ ఫండ్స్‌ను 7 ఉప విభాగాలుగా వర్గీకరించింది.

అగ్రెసివ్‌: ఈక్విటీ, ఈక్విటీ సంబంధిత సాధనాల్లో 65-80 శాతం, డెట్‌ సాధనాల్లో 20-35 శాతం పెట్టుబడులుంటాయి.

కన్జర్వేటివ్‌: ఈక్విటీ, తత్సంబంధిత సాధనాల్లో 10-25 శాతం, డెట్‌ సాధనాల్లో 75-90 శాతం పెట్టుబడులుంటాయి.

బ్యాలెన్స్‌: ఈక్విటీ, ఈక్విటీ సంబంధిత సాధనాల్లో 40-60 శాతం, డెట్‌ సాధనాల్లో 40-60 శాతం పెట్టుబడులుంటాయి.

మల్టీ-అసెట్‌ అల్లోకేషన్స్‌: ఒక్కో అసెట్‌లో 10 శాతానికి తగ్గకుండా కనీసం మూడింటిలో పెట్టుబడులుంటాయి.

డైనమిక్‌ అసెట్‌ అల్లోకేషన్స్‌ లేదా బ్యాలెన్స్‌ అడ్వాంటేజ్‌: పూర్తిగా ఈక్విటీ లేదా ఈక్విటీ సంబంధిత సాధనాల్లోగానీ, డెట్‌ సాధనాల్లో పెట్టుబడులుంటాయి.

ఆర్బిట్రేజ్‌: ఈక్విటీ లేదా ఈక్విటీ సంబంధిత సాధనాల్లో కనీసం 65 శాతం పెట్టుబడులుంటాయి. ఆర్బిట్రేజ్‌ వ్యూహాన్ని అనుసరిస్తాయి.

ఈక్విటీ సేవింగ్స్‌: ఈక్విటీ, ఈక్విటీ సంబంధిత సాధనాల్లో కనీసం 65% (ఆర్బిట్రేజ్‌ సహా), డెట్‌ సాధనాలు, డెరివేటివ్‌ల్లో కనీసం 10% పెట్టుబడులుంటాయి. అయితే స్కీం డాక్యుమెంట్లలో కనీస హెడ్జింగ్‌ను పేర్కొనాలి.