టాటా పవరే టాప్‌

దేశంలో అత్యంత ఆకర్షణీయ కంపెనీగా టాటా పవర్‌ నిలిచింది. హెచ్‌ఆర్‌ సేవల సంస్థ రాండ్‌స్టడ్‌ ఇండియా బుధవారం విడుదల చేసిన తమ వార్షిక నివేదిక ‘రాండ్‌స్టడ్‌ ఎంప్లాయర్‌ బ్రాండ్‌ రిసెర్చ్‌ (ఆర్‌ఈబీఆర్‌) 2023’లో టాటా పవర్‌ అగ్రస్థానంలో ఉన్నది.

• దేశంలో అత్యంత ఆకర్షణీయ సంస్థగా రికార్డు
• రాండ్‌స్టడ్‌ ఇండియా వార్షిక నివేదిక

ముంబై, జూన్‌ 21: దేశంలో అత్యంత ఆకర్షణీయ కంపెనీగా టాటా పవర్‌ నిలిచింది. హెచ్‌ఆర్‌ సేవల సంస్థ రాండ్‌స్టడ్‌ ఇండియా బుధవారం విడుదల చేసిన తమ వార్షిక నివేదిక ‘రాండ్‌స్టడ్‌ ఎంప్లాయర్‌ బ్రాండ్‌ రిసెర్చ్‌ (ఆర్‌ఈబీఆర్‌) 2023’లో టాటా పవర్‌ అగ్రస్థానంలో ఉన్నది. తర్వాతి స్థానాల్లో వరుసగా ఈ-కామర్స్‌ దిగ్గజం అమెజాన్‌, టాటా గ్రూప్‌నకే చెందిన టాటా స్టీల్‌ ఉన్నాయి. ఆర్థిక పరిపుష్ఠి, పరపతి, ఉద్యోగుల పదోన్నతులు, అవకాశాల ఆధారంగా టాటా పవర్‌ భారీ స్కోర్‌ను సాధించినట్టు రాండ్‌స్టడ్‌ తెలియజేసింది. గత ఏడాది నివేదికలో ఇది 9వ స్థానంలో ఉండటం గమనార్హం. కాగా, వృత్తిగత-వ్యక్తిగత జీవితం బ్యాలెన్స్‌, ఆకర్షణీయ వేతనం, ఇతర ప్రయోజనాల ప్రాతిపదికన ఉద్యోగులు ఆయా సంస్థలకు ఓటేశారు. ఇక ఆఫీస్‌, హోం లైఫ్‌ బ్యాలెన్స్‌లో మహిళలు తెలివిగా వ్యవహరిస్తున్నట్టు తేలింది.

టాప్‌-10 కంపెనీల్లో టాటా గ్రూప్‌నకు చెందినవే 4 సంస్థలు

• అత్యంత ఆకర్షణీయ స్టార్టప్‌గా బిగ్‌ బాస్కెట్‌
• ఆటోమోటివ్‌ రంగం అత్యంత ఆకర్షణీయమంటున్న 77 శాతం ఉద్యోగులు
• ఐటీ, ఐటీ అనుబంధ, టెలికం రంగాలకు 76 శాతం మంది ఓటు
• ఎఫ్‌ఎంసీజీ, రిటైల్‌, ఈ-కామర్స్‌ సంస్థలకు 75 శాతం ఉద్యోగుల మద్దతు
• ప్రపంచవ్యాప్తంగా జరిగిన ఈ సర్వేలో పాల్గొన్న 1.63 లక్షల ఉద్యోగులు

టాప్‌-10 ఎంప్లాయర్‌ బ్రాండ్స్‌

• టాటా పవర్‌
• అమెజాన్‌ ఇండియా
• టాటా స్టీల్‌
• టీసీఎస్‌
• మైక్రోసాఫ్ట్‌ ఇండియా
• సామ్‌సంగ్‌ ఇండియా
• ఇన్ఫోసిస్‌
• టాటా మోటర్స్‌
• ఐబీఎం ఇండియా
• రిలయన్స్‌ ఇండస్ట్రీస్‌