కదంతొక్కిన సూచీలు

దేశీయ స్టాక్‌ మార్కెట్లు కదంతొక్కాయి. అంతర్జాతీయ సూచీలు మిశ్రమంగా ట్రేడైనప్పటికీ దేశీయ మదుపరులు ఎగబడి కొనుగోళ్లు జరపడంతో సూచీలు ఒక్కశాతానికి పైగా లాభపడ్డాయి.

• మళ్లీ 76 వేల పాయింట్ల పైకి సెన్సెక్స్‌
• 23 వేల మార్క్‌ను అధిగమించిన నిఫ్టీ

ముంబై, మార్చి 20: దేశీయ స్టాక్‌ మార్కెట్లు కదంతొక్కాయి. అంతర్జాతీయ సూచీలు మిశ్రమంగా ట్రేడైనప్పటికీ దేశీయ మదుపరులు ఎగబడి కొనుగోళ్లు జరపడంతో సూచీలు ఒక్కశాతానికి పైగా లాభపడ్డాయి. ప్రస్తుత సంవత్సరంలో అమెరికా ఫెడరల్‌ రిజర్వు వడ్డీరేట్లను తగ్గించే అవకాశాలున్నట్లు అంచనాలు వెలువడంతో గ్లోబల్‌ మార్కెట్లు పోటెత్తాయి. దీంతోపాటు బ్లూచిప్‌ సంస్థల షేర్లు ర్యాలీతో సూచీలు భారీగా లాభపడ్డాయి. ఇంట్రాడేలో వెయ్యి పాయింట్లకు పైగా లాభపడిన 30 షేర్ల ఇండెక్స్‌ సూచీ సెన్సెక్స్‌ చిరకు 899 పాయింట్లు లేదా 1.19 శాతం లాభపడి 76 వేల మార్క్‌ను తిరిగి అధిగమించింది. చివరకు 76,348.06 పాయింట్ల వద్ద ముగిసింది. మరో సూచీ నిఫ్టీ 283.05 పాయింట్లు లేదా 1.24 శాతం ఎగబాకి 23 వేల పైకి 23,190.65 పాయింట్లను అధిగమించింది. 2025లో ఫెడరల్‌ రిజర్వు వడ్డీరేట్లను రెండు సార్లు తగ్గించే అవకాశాలుండటంతో ఎఫ్‌ఐఐలు అమ్మకాలను నిలిపివేయడం సూచీలకు కలిసొచ్చిందని జియోజిట్‌ ఫైనాన్షియల్‌ అధినేత వినోద్‌ నాయర్‌ తెలిపారు.

• భారతీ ఎయిర్‌టెల్‌ షేరు అత్యధికంగా 4.17 శాతం లాభపడి టాప్‌ గెయినర్‌గా నిలిచింది.
• దీంతోపాటు టైటన్‌, టీసీఎస్‌, హెచ్‌యూఎల్‌, ఇన్ఫోసిస్‌, నెస్లె, రిలయన్స్‌, మహీం ద్రా, హెచ్‌డీఎఫ్‌సీ బ్యాంక్‌, టాటా మోట ర్స్‌, హెచ్‌సీఎల్‌ టెక్నాలజీ, పవర్‌గ్రిడ్‌ షేర్లు ఒక్క శాతానికి పైగా లాభపడ్డాయి.
• అలాగే మారుతి, సన్‌ఫార్మా, ఎల్‌అండ్‌టీ, కొటక్‌ బ్యాంక్‌, ఐసీఐసీఐ బ్యాంక్‌, ఎస్బీఐ, బజాజ్‌ ఫిన్‌సర్వ్‌, జొమాటో, అదానీపోర్ట్స్‌, టాటా స్టీల్‌, ఐటీసీ, అల్ట్రాటెక్‌ సిమెంట్‌, ఎన్‌టీపీసీ, యాక్సిస్‌ బ్యాంక్‌ షేర్లకు మదుపరుల నుంచి మద్దతు లభించింది.
• కానీ, ఇండస్‌ఇండ్‌ బ్యాంక్‌, బజాజ్‌ ఫైనాన్స్‌, అల్ట్రాటెక్‌ సిమెంట్‌ షేర్లు నష్టపోయాయి.
• రంగాలవారీగా చూస్తే టెలికం 1.94 శాతం, టెక్‌ 1.89 శాతం, ఆయిల్‌ అండ్‌ గ్యాస్‌ 1.56 శాతం, ఎనర్జీ 1.42 శాతం, ఆటో 1.39 శాతం, ఐటీ 1.23 శాతం చొప్పున అధికమయ్యాయి.

17 లక్షల కోట్లు పెరిగిన సంపద

స్టాక్‌ మార్కెట్ల వరుస లాభాలతో మదుపరులు పండుగచేసుకుంటున్నారు. గడిచిన నాలుగు రోజుల్లో సెన్సెక్స్‌ రికార్డు స్థాయిలో లాభపడుతుండటంతో రూ.17.43 లక్షల కోట్ల సంపద పెరిగింది. గత నాలుగు సెషన్లలో సెన్సెక్స్‌ 2,519.15 పాయింట్లు లేదా 3.41 శాతం లాభపడింది. దీంతో బీఎస్‌ఈలో లిైస్టెన సంస్థల మార్కెట్‌ క్యాపిటలైజేషన్‌ విలువ రూ.17,43,418.8 కోట్లు పెరిగి రూ.4,08,61,851.73 కోట్లు(4.73 ట్రిలియన్‌ డాలర్లు)కు చేరుకున్నది.