ఈ పథకాలు.. ప్రత్యేకం గురూ!

కస్టమర్లను ఆకట్టుకొనేందుకు ఆయా బ్యాంకులు ఎప్పటికప్పుడు ప్రత్యేక పథకాలతో వస్తున్నాయి. అయితే నిధుల సమీకరణే లక్ష్యంగా ఇటీవలికాలంలో తెస్తున్న ఈ స్పెషల్‌ స్కీములపై అధిక వడ్డీరేట్లను ఆఫర్‌ చేస్తుండటం విశేషం. గత ఆర్థిక సంవత్సరం (20 24-25) డిపాజిట్లలో వృద్ధి 10.30 శాతంగానే ఉన్న ది.

• స్పెషల్‌ డిపాజిట్‌ స్కీములను ప్రకటించిన
• కెనరా, యూనియన్‌ బ్యాంక్‌లు
• ట్రూఎడ్జ్‌, వెల్‌నెస్‌ పేరిట పరిచయం
• ఖాతాదారులకు అందే ప్రయోజనాలివే

న్యూఢిల్లీ, మే 14: కస్టమర్లను ఆకట్టుకొనేందుకు ఆయా బ్యాంకులు ఎప్పటికప్పుడు ప్రత్యేక పథకాలతో వస్తున్నాయి. అయితే నిధుల సమీకరణే లక్ష్యంగా ఇటీవలికాలంలో తెస్తున్న ఈ స్పెషల్‌ స్కీములపై అధిక వడ్డీరేట్లను ఆఫర్‌ చేస్తుండటం విశేషం. గత ఆర్థిక సంవత్సరం (20 24-25) డిపాజిట్లలో వృద్ధి 10.30 శాతంగానే ఉన్నది. అంతకుముందు ఆర్థిక సంవత్సరం (2023-24)లో 13.5 శాతంగా ఉండటం గమనార్హం. ఈ క్రమంలో ఈ ఆర్థిక సంవత్సరం (2025-26) 9-11 మధ్య డిపాజిట్లలో వృద్ధిరేటు ఉండవచ్చని అంచనా. అందుకే స్పెషల్‌ డిపాజిట్‌ స్కీములకు బ్యాంకర్లు శ్రీకారం చుడుతున్నారు.

కెనరా, యూనియన్‌ బ్యాంక్‌లు..

ప్రభుత్వ రంగ బ్యాంకింగ్‌ సంస్థలైన కెనరా బ్యాంక్‌, యూనియన్‌ బ్యాంక్‌ ఆఫ్‌ ఇండియాలూ ప్రత్యేక డిపాజిట్‌ పథకాలను ప్రకటించాయి. కరెంట్‌, సేవింగ్స్‌ ఖాతాదారుల కోసం ప్రత్యేకంగా కెనరా బ్యాంక్‌ ‘కెనరా ట్రూఎడ్జ్‌’ అనే డిపాజిట్‌ స్కీమును తీసుకొచ్చింది. పలు ఆర్థిక ప్రయోజనాలను దీనిద్వారా అందిస్తున్నది. ఇక యూనియన్‌ బ్యాంక్‌ ‘యూనియన్‌ వెల్‌నెస్‌ డిపాజిట్‌’ను పరిచయం చేసింది. ఇందులో ఆరోగ్య బీమాతోపాటు ఫిక్స్‌డ్‌ డిపాజిట్‌ (ఎఫ్‌డీ) లాభాలను డిపాజిటర్లు అందుకోవచ్చు.

కెనరా ట్రూఎడ్జ్‌

• సంస్థల ప్రత్యేక బ్యాం కింగ్‌ అవసరాలనుద్దేశించి రూపకల్పన.
• బ్యాంక్‌ అధికారిక వెబ్‌సైట్‌ ప్రకారం ట్రస్టులు, విద్యా సంస్థలు, సొసైటీలకు ఈ స్కీం అనుకూలం.
• ఖాతాదారులకు వారి మంత్లీ యావరేజ్‌ బ్యాలెన్స్‌ (ఎంఏబీ)కు అనుగుణంగా ఆకర్షణీయ శ్రేణిలో ప్రయోజనాలు.
• 375 రోజుల ఫిక్స్‌డ్‌ కాలపరిమితితో ఈ స్కీంను ఆఫర్‌ చేస్తున్నది బ్యాంక్‌. వార్షిక వడ్డీరేటు 6.75 శాతంగా నిర్ణయించింది. సీనియర్‌ సిటిజన్లకు మరో అర శాతం అధికంగా వడ్డీ చెల్లించనున్నది.
• కనీసంగా రూ.10 లక్షలు, గరిష్ఠంగా రూ.3 కోట్ల వరకు డిపాజిట్‌కు వీలు.
• 18 ఏండ్ల నుంచి 75 ఏండ్ల లోపు భారతీయులు ఈ డిపాజిట్‌ స్కీంకు అర్హులు.

యూనియన్‌ బ్యాంక్‌

• 375 రోజుల కాలపరిమితితో కూడిన డిపాజిట్లపై 6.75 శాతం వార్షిక వడ్డీ.
• రూ.10 లక్షల నుంచి రూ.3 కోట్ల డిపాజిట్లకు ఈ వడ్డీరేట్లు వర్తించనున్నది.
• ఈ స్కీం కింద రూ.5 లక్షల వరకు ఆరోగ్య బీమా కవరేజ్‌ కూడా కల్పిస్తున్నది.
• ఈ స్కీంతోపాటు రూపే సెలెక్ట్‌ డెబిట్‌ కార్డు, టర్మ్‌ డిపాజిట్లపై రుణాలు తీసుకోనే అవకాశం ఉంటుంది.