5 లక్షల కోట్ల సంపద ఆవిరి.. సెన్సెక్స్‌ 961, నిఫ్టీ 318 పాయింట్ల పతనం

దేశీయ స్టాక్‌ మార్కెట్లు కుప్పకూలాయి. విదేశీ సంస్థాగత పెట్టుబడిదారులు భారీగా నిధులను తరలించుకుపోవడం, అంతర్జాతీయ మార్కెట్లు బలహీనంగా ట్రేడవుతుండటం, పలు దేశాల మధ్య ఉద్రిక్త పరిస్థితులు నెలకొనడంతో మదుపరులు అమ్మకాలకు మొగ్గుచూపారు.

ముంబై, ఫిబ్రవరి 27 : దేశీయ స్టాక్‌ మార్కెట్లు కుప్పకూలాయి. విదేశీ సంస్థాగత పెట్టుబడిదారులు భారీగా నిధులను తరలించుకుపోవడం, అంతర్జాతీయ మార్కెట్లు బలహీనంగా ట్రేడవుతుండటం, పలు దేశాల మధ్య ఉద్రిక్త పరిస్థితులు నెలకొనడంతో మదుపరులు అమ్మకాలకు మొగ్గుచూపారు. నష్టాల్లో ప్రారంభమైన సూచీలకు మధ్యాహ్నం తర్వాత గ్లోబల్‌ మార్కెట్ల నుంచి వచ్చిన ప్రతికూల సంకేతాలు మరింత నష్టాల్లోకి నెట్టాయి. ఇంట్రాడేలో వెయ్యి పాయింట్లకు పైగా నష్టపోయిన 30 షేర్ల ఇండెక్స్‌ సూచీ సెన్సెక్స్‌ వారాంతపు ట్రేడింగ్‌ ముగిసే సరికి 961.42 పాయింట్లు లేదా 1.17 శాతం కోల్పోయి 81,287.19 వద్ద ముగిసింది.

మరో సూచీ నిఫ్టీ 317.90 పాయింట్లు లేదా 1.25 శాతం నష్టపోయి 25,178.65 వద్ద స్థిరపడింది. దీంతో మదుపరులు రూ.5 లక్షల కోట్ల సంపదను కోల్పోయారు. బీఎస్‌ఈలో లిైస్టెన కంపెనీల మార్కెట్‌ క్యాపిటలైజేషన్‌ విలువ రూ.4,98, 603.42 కోట్లు కరిగిపోయి రూ.4,63, 50, 671.27 కోట్లు (5.10 ట్రిలియన్‌ డాల ర్లు) చేరుకున్నది. దేశీయ స్టాక్‌ మార్కె ట్లు దిద్దుబాటుకు గురవుతున్నాయని, అంతర్జాతీయ మార్కెట్లు బలహీనంగా ఉండటంతో మదుపరుల్లో సెంటిమెంట్‌ను నీరుగార్చిందని జియోజిట్‌ ఇన్వెస్ట్‌మెంట్స్‌ లిమిటెడ్‌ హెడ్‌ వినోద్‌ నాయర్‌ తెలిపారు. అమెరికా-ఇరాన్‌ దేశాల మధ్య యుద్ధమేఘాలు కమ్ముకుంటుండటం, ఏఐకి సంబంధించి అనిశ్చిత పరిస్థితులు కూడా తోడవడంతో మదుపరులు తమ పెట్టుబడులను ఈక్విటీల నుంచి బంగారం వైపు మళ్లించడం కూడా పతనానికి ఆజ్యంపోశాయన్నారు.

• సన్‌ఫార్మా, భారతీ ఎయిర్‌టెల్‌, మహీంద్రా అండ్‌ మహీంద్రా, బజాజ్‌ ఫిన్‌సర్వ్‌, ఇండిగో, మారుతి, కొటక్‌ బ్యాంక్‌ షేర్లు రెండు శాతానికి పైగా కోల్పోయాయి.
• వీటితోపాటు అల్ట్రాటెక్‌, అదానీ పోర్ట్స్‌, హెచ్‌యూఎల్‌, ఐసీఐసీఐ బ్యాంక్‌, బజాజ్‌ఫైనాన్స్‌, పవర్‌గ్రిడ్‌, టాటా స్టీల్‌, ఐటీసీ, హెచ్‌డీఎఫ్‌సీ బ్యాంక్‌, బీఈఎల్‌, రిలయన్స్‌, ఏషియన్‌ పెయింట్స్‌, యాక్సిస్‌ బ్యాంక్‌, ఎస్బీఐ, టీసీఎస్‌, టెక్‌ మహీంద్రా, టైటాన్‌, ఎల్‌అండ్‌టీ షేర్లు కూడా నష్టపోయాయి.
• హెచ్‌సీఎల్‌, ట్రెంట్‌, ఇన్ఫోసిస్‌, ఎటర్నల్‌, ఎన్‌టీపీసీ షేర్లు లాభాల్లో ముగిశాయి.
• బీఎస్‌ఈ స్మాల్‌క్యాప్‌, మిడ్‌క్యాప్‌ ఇండెక్స్‌లు ఒక్క శాతం వరకు పతనం చెందాయి.
• రంగాలవారీగా రియల్టీ సూచీ అత్యధికంగా 2.25 శాతం నష్టపోగా, టెలికాం 1.83 శాతం, ఆటో 1.81 శాతం, మెటల్‌ 1.57 శాతం, కమోడిటీస్‌ 1.56 శాతం, ఎఫ్‌ఎంసీజీ 1.52 శాతం, ఆర్థిక సేవలు 1.50 శాతం చొప్పున పతనం చెందాయి.
• కానీ, ఐటీ, ఐటీ అనుబంధ రంగాల సూచీ లాభాల్లో ముగిసింది.
• ఈ వారం సెన్సెక్స్‌ 1,527.52 పాయింట్లు లేదా 1.84 శాతం, నిఫ్టీ 392.60 పాయిం ట్లు లేదా 1.53 శాతం పతనం చెందాయి.