సెన్సెక్స్‌@63,000

దేశీయ స్టాక్‌ మార్కెట్ల లాభాల జోరు కొనసాగుతున్నది. వరుసగా ఏడు రోజులుగా ఆకాశమే హద్దుగా దూసుకుపోతున్న సూచీలు రికార్డు స్థాయిలో ముగిశాయి.

• రికార్డు స్థాయికి సూచీలు
• 18,758 పాయింట్లకు నిఫ్టీ
• రెండు సూచీలకు ఇదే గరిష్ఠ స్థాయి

ముంబై, నవంబర్‌ 30: దేశీయ స్టాక్‌ మార్కెట్ల లాభాల జోరు కొనసాగుతున్నది. వరుసగా ఏడు రోజులుగా ఆకాశమే హద్దుగా దూసుకుపోతున్న సూచీలు రికార్డు స్థాయిలో ముగిశాయి. అంతర్జాతీయ మార్కెట్ల నుంచి వచ్చిన సానుకూల వార్తలకు తోడు విదేశీ సంస్థాగత పెట్టుబడిదారులు భారీగా నిధులను కుమ్మరించడంతో బీఎస్‌ఈ సెన్సెక్స్‌ తొలిసారిగా 63 వేల పైకి చేరుకున్నది. దేశ ఆర్థిక పరిస్థితులు ఆశాజనకంగా ఉంటాయన్న అంచనాలతో మదుపరుల్లో ఉత్సాహాన్ని నింపాయి. ఫలితంగా ఎగబడి కొనుగోళ్ళు జరపడంతో సెన్సెక్స్‌ సూచీ మరో చారిత్రక గరిష ్ఠ స్థాయికి చేరుకున్నది. మార్కెట్‌ ముగిసే సమయానికి 30 షేర్ల ఇండెక్స్‌ సూచీ సెన్సెక్స్‌ 417.81 పాయింట్లు లాభపడి 63,099.65 వద్ద స్థిరపడింది. సెన్సెక్స్‌ చరిత్రలో ఇంతటి గరిష్ఠ స్థాయిలో ముగియడం ఇదే తొలిసారి. ఇంట్రాడేలో సూచీ 621.17 పాయింట్లు లాభపడి 63,303.01 స్థాయికి చేరుకున్నది. చివర్లో మదుపరులు లాభాల స్వీకరణకు మొగ్గుచూపడంతో భారీ లాభాలను నిలుపుకోలేకపోయింది. అటు ఎన్‌ఎస్‌ఈ నిఫ్టీ సైతం 140.30 పాయింట్లు అందుకొని 18,758.35 వద్ద స్థిరపడింది.

• మహీంద్రా అండ్‌ మహీంద్రా షేరు 4 శాతం పెరిగి టాప్‌ గెయినర్‌గా నిలిచింది.
• అల్ట్రాసిమెంట్‌, పవర్‌గ్రిడ్‌, హెచ్‌యూఎల్‌, భారతీ ఎయిర్‌టెల్‌, ఏషియన్‌ పెయింట్స్‌, టాటా స్టీల్‌, టైటాన్‌, ఎల్‌అండ్‌టీ, ఎన్‌టీపీసీ, యాక్సిస్‌ బ్యాంక్‌, కొటక్‌ బ్యాంక్‌లు ఒక్క శాతానికి పైగా లాభపడ్డాయి.
• వీటితోపాటు హెచ్‌డీఎఫ్‌సీ, రిలయన్స్‌, డాక్టర్‌ రెడ్డీస్‌, మారుతి, హెచ్‌డీఎఫ్‌సీ బ్యాంక్‌, ఐసీఐసీఐ బ్యాంక్‌, విప్రో, ఇన్ఫోసిస్‌, టెక్‌ మహీంద్రా షేర్లకు మదుపరుల నుంచి మద్దతు లభించింది.
• కానీ, ఇండస్‌ఇండ్‌ బ్యాంక్‌, ఎస్బీఐ, హెచ్‌సీఎల్‌ టెక్‌, ఐటీసీ, సన్‌ఫార్మా, బజాజ్‌ ఫిన్‌సర్వ్‌, టీసీఎస్‌ల షేర్లు నష్టపోయాయి.
• రంగాలవారీగా చూస్తే యుటిలిటీ 2.52 శాతం, పవర్‌ 2.35 శాతం, మెటల్‌ 1.96 శాతం, ఆటో 1.74 శాతం, కమోడిటీ 1.62 శాతం, రియల్టీ 1.54 శాతం, టెలి కమ్యూనికేషన్‌ 1.44 శాతం చొప్పున అధికమయ్యాయి.
• బుధవారం మార్కెట్లో 2,058 షేర్లు లాభపడగా, 1,438 షేర్లు పతనమయ్యాయి.
• అంతర్జాతీయ మార్కెట్లో బ్రెంట్‌ క్రూడాయిల్‌ బ్యారెల్‌ ధర 1.83 శాతం ఎగబాకి 84.55 డాలర్లు పలికింది.
• వరుసగా గత ఏడు సెషన్లలో సెన్సెక్స్‌ 1,954.81 పాయింట్లు లేదా 3.19 శాతం పెరిగింది.

దేశీయ మార్కెట్లు వరుసగా లాభాల్లో కొనసాగుతున్నాయి. ఎఫ్‌ఐఐలు నిధులు కుమ్మరించడం, చైనాలో కరోనా మరోసారి విజృంభిస్తుండటం కూడా మార్కెట్లకు దన్నుగా నిలిచాయి.
– వినోద్‌ నాయర్‌, జియోజిట్‌ ఫైనాన్షియల్‌ సర్వీసెస్‌ హెడ్‌

288 లక్షల కోట్లకు బీఎస్‌ఈ లిస్టడ్‌
బీఎస్‌ఈలో లిైస్టెన సంస్థల విలువ రికార్డు స్థాయికి చేరుకున్నది. సూచీలు ఆల్‌టైం-హైకి చేరుకోవడంతో బీఎస్‌ఈలో లిైస్టెన సంస్థల విలువ రూ.288.50 లక్షల కోట్లకు చేరుకున్నది. గత ఏడు సెషన్లలో బీఎస్‌ఈ సెన్సెక్స్‌ 1,954.81 పాయింట్లు ఎగబాకడంతో మదుపరుల సంపద రూ.7,59,64 2.89 కోట్లు పెరిగి రూ.2,88,50, 896.03 కోట్లకు చేరుకున్నది.

సెన్సెక్స్‌ కదలికలు గత ముగింపు
62,681.84
ప్రారంభం
62,743.47
గరిష్ఠ స్థాయి
63,303.01
కనిష్ఠ స్థాయి
62,648.38
ముగింపు
63,099.65