సింగరేణి టర్నోవర్ 32,500 కోట్లు
ప్రభుత్వరంగ సంస్థ సింగరేణి అంచనాలకుమించి రాణించింది. గడిచిన ఆర్థిక సంవత్సరంలో రూ.32,500 కోట్ల టర్నోవర్ను సాధించినట్టు కంపెనీ సీఎండీ ఎన్ శ్రీధర్ వెల్లడించారు. రికార్డు స్థాయి టర్నోవర్ సాధించినందుకుగాను కార్మికులు, ఉద్యోగులను ఈ సందర్భంగా అభినందించారు. అటు ఉత్పత్తిలోనూ సంస్థ రికార్డు నెలకొల్పింది. 2022-23లో 671 లక్షల టన్నుల బొగ్గును ఉత్పత్తి చేసింది.
- 2022-23లో 671 లక్షల టన్నుల బొగ్గు ఉత్పత్తి
- కంపెనీ సీఎండీ శ్రీధర్ వెల్లడి
హైదరాబాద్, ఏప్రిల్ 1 (నమస్తే తెలంగాణ): ప్రభుత్వరంగ సంస్థ సింగరేణి అంచనాలకుమించి రాణించింది. గడిచిన ఆర్థిక సంవత్సరంలో రూ.32,500 కోట్ల టర్నోవర్ను సాధించినట్టు కంపెనీ సీఎండీ ఎన్ శ్రీధర్ వెల్లడించారు. రికార్డు స్థాయి టర్నోవర్ సాధించినందుకుగాను కార్మికులు, ఉద్యోగులను ఈ సందర్భంగా అభినందించారు. అటు ఉత్పత్తిలోనూ సంస్థ రికార్డు నెలకొల్పింది. 2022-23లో 671 లక్షల టన్నుల బొగ్గును ఉత్పత్తి చేసింది. అంతక్రితం ఏడాది సాధించిన 650 లక్షల టన్నులతో పోలిస్తే 3.25 శాతం అధికమని ఆయన పేర్కొన్నారు. అలాగే ఓవర్బర్డెన్ తొలగింపులోనూ 418 మిలియన్ క్యూబిక్ మీటర్లను తొలగించి రికార్డు సృష్టించింది. 2017-18లో 392 మిలియన్ క్యూబిక్ మీటర్ల తొలగింపే ఇప్పటి వరకు రికార్డు. దీనితో పోల్చితే ఈయేడు 7 శాతం అదనంగా ఓవర్బర్డెన్ను తొలగించారు. దీనితోపాటు బొగ్గు రవాణాలో గతేడాది కంటే 2 శాతం వృద్ధితో 667 లక్షల టన్నులు సాధించింది.
వర్షాలను ఎదుర్కొని..
నిజానికి ఈ ఆర్థిక సంవత్సరంలో గడిచిన నాల్గు దశాబ్దాల్లోనే ఎప్పుడూ నమోదుకానంత భారీ వర్షాలు కురిశాయి. దీనితో బొగ్గు ఉత్పత్తికి ఆటంకం కలిగినప్పటికీ.. కార్మికులు, ఉద్యోగులు, అధికారులు సమన్వయంతో అత్యుత్తమ ఫలితాలను సాధించారని ఎన్ శ్రీధర్ పేర్కొన్నారు. ఇదే ఒరవడితో ప్రస్తుత ఆర్థిక సంవత్సరం (2023-24)లో నిర్దేశించుకున్న 750 లక్షల టన్నుల బొగ్గు ఉత్పత్తిని చేరుకునేందుకు కృషి చేయాలని ఉద్యోగులకు సూచించారు.
- సింగరేణిలో మొత్తం 11 ఏరియాలు ఉండగా.. ఈయేడు ఐదు ఏరియాల్లో 100 శాతానికిపైగా లక్ష్యాలు సాధించాయి. వీటిలో రామగుండం-1, ఇల్లందు, మణుగూరు, శ్రీరాంపూర్, ఆర్జీ-2 ఏరియాలు ఉన్నాయి.
- తెలంగాణాతోపాటు ఎనిమిది రాష్ర్టాల్లోని థర్మల్ విద్యుత్తు కేంద్రాలకు, సుమారు 2 వేల పరిశ్రమలకు సింగరేణి సంస్థ బొగ్గును సరఫరా చేసింది.
- 2023 మార్చి 31 నాడు సింగరేణి చరిత్రలో అత్యధికంగా 2.64 లక్షల టన్నుల బొగ్గును రవాణా చేశారు. 2016 మార్చి 11న సాధించిన 2.59 లక్షల టన్నుల రికార్డును దాటింది.
- సింగరేణి థర్మల్ విద్యుత్తు కేంద్రం 9,304 మిలియన్ యూనిట్ల విద్యుత్తును ఉత్పత్తి చేయగా..దీంట్లో 8,741 మిలియన్ యూనిట్లను రాష్ట్ర అవసరాలకు సరఫరా చేసింది.
- తొమ్మిది సౌర విద్యుత్ ప్లాంట్ల నుంచి 325 మిలియన్ యూనిట్ల విద్యుత్తు ఉత్పత్తి కాగా.. 318 మిలియన్ యూనిట్లను తెలంగాణ ట్రాన్స్కోకు అనుసంధానించారు. తద్వారా సింగరేణి విద్యుత్తు వినియోగంలో 50 శాతం వ్యయం ఆదా చేశారు.
Read Today's Latest Business News in Telugu and Telugu News
- Tags
- CMD Sridhar
- Coal
- SCCL
- turnover
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

