స్టీల్ కన్నా ప్రాణాలు కాపాడటం చాలా ముఖ్యం.. సజ్జాన్ జిందాల్

స్టీల్ కన్నా ప్రాణాలు కాపాడటం చాలా ముఖ్యం| ఉక్కు ఉత్పత్తి చేయడం కంటే, ప్రజల ప్రాణాలు కాపాడటం చాలా ముఖ్యం అని జిందాల్ గ్రూప్ చైర్మన్ సజ్జాన్ జిందాల్....

April 27, 2021 / 11:53 PM IST

స్టీల్ కన్నా ప్రాణాలు కాపాడటం చాలా ముఖ్యం.. సజ్జాన్ జిందాల్

న్యూఢిల్లీ: ఉక్కు ఉత్పత్తి చేయడం కంటే దేశ ప్రజల ప్రాణాలను కాపాడటం చాలా ముఖ్యం అని జిందాల్ స్టీల్ (జేెెెెెఎస్) గ్రూప్ చైర్మన్ సజ్జాన్ జిందాల్ పేర్కొన్నారు.దేశమంతా కరోనా రెండో వేవ్ విసురుతున్న సవాల్ తో ప్రాణ వాయువు కొరతేర్పడింది.

ఈ నేపథ్యంలో తమ ప్రొడక్షన్ యూనిట్లలో లిక్విడ్ మెడికల్ ఆక్సిజన్ ఉత్పత్తిని చేసి కరోనా రోగులకు అందించేందుకు సరఫరా చేస్తామని చెప్పారు సజ్జాన్ జిందాల్. దేశీయ అవసరాల కోసం అవసరమైతే స్టీల్ ఉత్పత్తిలో కోత విధిస్తామని సజ్జాన్ జిందాల్ వెల్లడించారు.

స్టీల్ మినిస్ట్రీ మార్గదర్శకాల మేరకు దేశంలోని అన్ని స్టీల్ ప్లాంట్లు కరోనా రోగుల చికిత్సకు అవసరమైన లిక్విడ్ మెడికల్ ఆక్సిజన్ (ఎల్ఎంవో)ను ఉత్పత్తి చేసేందుకు రెడీ అయ్యాయి. తద్వారా దేశవ్యాప్తంగా అన్ని రాష్ట్రాలకు ఆక్సిజన్ సరఫరా చేయడానికి అన్ని సంస్థలు సిద్ధం అయ్యాయి.

తమ సంస్థ గరిష్ఠ స్థాయిలో ఇండియన్ల ప్రాణాలను కాపాడేందుకు ఆక్సిజన్ సరఫరా చేస్తుందని సజ్జాన్ జిందాల్ ఓ ప్రకటనలో పేర్కొన్నారు. స్టీల్ మినిస్ట్రీ కథనం ప్రకారం మూడున్నర రోజుల నుంచి సగం రోజు వరకు వారి వద్ద ఆక్సిజన్ స్టాక్ ను కరోనా రోగుల చికిత్సకు అందజేయాల్సి ఉంటుంది స్టీల్ సంస్థలు.

స్టీల్ సంస్థల వద్ద ఉక్కు తయారీ ప్రక్రియలో అత్యవసర పరిస్థితులను ఎదుర్కొనేందుకు కనీసం మూడు రోజుల లిక్విడ్ ఆక్సిజన్ సిద్ధంగా ఉంటుంది. తమ ప్లాంట్ల వద్ద అత్యవసర ప్రాతిపదికన అతిపెద్ద కొవిడ్ కేంద్రాలను ఏర్పాటు చేస్తామని సజ్జాన్ జిందాల్ తెలిపారు.

తమ ప్లాంట్లను రోగులకు ఆక్సిజన్ సరపరా చేసేందుకు అంకితమైన పైపులైన్ నిర్మాణానికి ప్రణాళిక వేస్తుందన్నారు సజ్జాన్ జిందాల్. ఇప్పటి వరకు ఈ గ్రూప్ మహారాష్ట్ర, కర్ణాటక, తమిళనాడు రాష్ట్రాలకు సుమారు 20 వేల టన్నుల ఆక్సిజన్ సరఫరా చేయాలని లక్ష్యంగా పెట్టుకున్నది.