మరోసారి సత్తా చాటిన రిలయన్స్‌

దేశీయ కుబేరుడు ముకేశ్‌ అంబానీకి చెందిన రిలయన్స్‌ ఇండస్ట్రీస్‌ మరోసారి సత్తా చాటింది. ఈ ఏడాదికి దేశీయ సంస్థల్లో రిలయన్స్‌ మళ్లీ తొలిస్థానంలో నిలిచినట్టు ఫార్చ్యూన్‌ గ్లోబల్‌ 500 తాజాగా విడుదల చేసిన జాబితాలో వెల్లడించింది. చమురు నుంచి టెలికాం, రిటైల్‌ రంగం దాకా సేవలు అందిస్తున్న రిలయన్స్‌.. ఈసారి 88వ స్థానం దక్కించుకున్నది.

• దేశీయ సంస్థల్లో తొలిస్థానం

న్యూఢిల్లీ, జూలై 30: దేశీయ కుబేరుడు ముకేశ్‌ అంబానీకి చెందిన రిలయన్స్‌ ఇండస్ట్రీస్‌ మరోసారి సత్తా చాటింది. ఈ ఏడాదికి దేశీయ సంస్థల్లో రిలయన్స్‌ మళ్లీ తొలిస్థానంలో నిలిచినట్టు ఫార్చ్యూన్‌ గ్లోబల్‌ 500 తాజాగా విడుదల చేసిన జాబితాలో వెల్లడించింది. చమురు నుంచి టెలికాం, రిటైల్‌ రంగం దాకా సేవలు అందిస్తున్న రిలయన్స్‌.. ఈసారి 88వ స్థానం దక్కించుకున్నది. 2024లో లభించిన 86వ స్థానంతో పోలిస్తే రెండు ర్యాంక్‌లు దిగజారింది. అయినప్పటికీ గడిచిన నాలుగేండ్లలో సంస్థ ర్యాంక్‌ 67 స్థానాలు ఎగబాకింది. 2021లో 155వ స్థానంలో ఉన్నది.

• అమెరికా రిటైల్‌ దిగ్గజం వాల్‌మార్ట్‌ జాబితాలో తొలి స్థానాన్ని నిలుపుకున్నది. తర్వాతి స్థానాల్లో అమెజాన్‌, స్టేట్‌ గ్రిడ్‌, సౌదీ అరామ్‌కో, చైనా నేషనల్‌ పెట్రోల్‌, సినోపెక్‌ గ్రూపు, యాపిల్‌లున్నాయి.
• ఈ జాబితాలో భారత్‌ నుంచి 9 కంపెనీలు చోటు దక్కించుకున్నాయి. వీటిలో ఎల్‌ఐసీ, ఇండియన్‌ ఆయిల్‌ కార్పొరేషన్‌, ఎస్బీఐ, హెచ్‌డీఎఫ్‌సీ బ్యాంక్‌, ఓఎన్‌జీసీ, టాటా మోటర్స్‌, బీపీసీఎల్‌, ఐసీఐసీఐ బ్యాంక్‌లున్నాయి.