Poco X5 5G | దేశీయ మార్కెట్‌లోకి పొకో ఎక్స్‌5 5జీ మూహూర్తం ఖ‌రారు.. ధ‌ర‌ రూ.20 వేల‌లోపే?

Poco X5 5G | దేశీయ మార్కెట్‌లోకి చైనా స్మార్ట్ ఫోన్ సంస్థ పొకో.. త‌న పొకో ఎక్స్‌5 5జీ ఫోన్ ఆవిష్క‌ర‌ణ మూహూర్తం ఖ‌రారు చేసింది. ఈ నెల 14 మ‌ధ్యాహ్నం 12 గంట‌ల‌కు ఆవిష్క‌రిస్తుంది.

Poco X5 5G | చైనా స్మార్ట్ ఫోన్ కంపెనీ పొకో త‌న పొకో ఎక్స్‌5 5జీ మోడ‌ల్ ఫోన్‌ను భార‌త మార్కెట్‌లో ఆవిష్క‌రించేందుకు మూహూర్తం ఖ‌రారు చేసింది. ఈ నెల 14 మ‌ధ్యాహ్నం 12 గంట‌ల‌కు భార‌త్‌లో ఆవిష్క‌రిస్తామ‌ని పేర్కొంది. మూడు విభిన్న రంగుల ఆప్ష‌న్ల‌లో న్యూ పొకో ఎక్స్‌-సిరీస్ ఫోన్ క‌స్ట‌మ‌ర్ల ద‌రి చేర‌నున్న‌ది. బ‌డ్జెట్ ధ‌ర‌లోనే అందుబాటులో ఉంటుంద‌ని పొకో తెలిపింది. పొకో ఎక్స్5 5జీ ఫోన్‌ను గ్లోబ‌ల్ మార్కెట్‌లో గ‌త నెల‌లో ఆవిష్క‌రించింది. ఆవిష్క‌ర‌ణ వేడుక‌ను యూ-ట్యూబ్‌లో లైవ్ ప్ర‌సారం చేస్తారు.

స్నాప్‌డ్రాగ‌న్ 695 ఎస్వోసీ, ట్రిపుల్ కెమెరా వంటి ఫీచ‌ర్లు, 6.67-అంగుళాల ఫుల్ హెచ్డీ+ డిస్‌ప్లేతో వ‌స్తున్న‌ది. 5000 ఎంఏహెచ్ సామ‌ర్థ్యం గ‌ల బ్యాట‌రీ, 33 వాట్ల ఫాస్ట్ చార్జింగ్ స‌పోర్ట్ ఫెసిలిటీ పొకో ఎక్స్5 5జీలో ల‌భిస్తాయి. ఫ్లిప్‌కార్ట్ ద్వారా దేశీయ మార్కెట్‌లో విక్ర‌యించ‌నున్న‌ట్లు తెలిపింది.

గ్లోబ‌ల్ మార్కెట్‌లో 289 డాల‌ర్లు (దాదాపు రూ.24,700) ప‌లికిన పొకో ఎక్స్‌5 5జీ ఫోన్.. 8జీబీ రామ్ విత్ 256 జీబీ ఇంట‌ర్న‌ల్ స్టోరేజీతో వ‌స్తున్న‌ది. బ్లాక్‌, బ్లూ, గ్రీన్ షేడ్స్ క‌లర్స్‌లో వ‌స్తున్న ఈ ఫోన్ రూ.20 వేల‌కు భార‌త మార్కెట్‌లో ల‌భ్యం కావ‌చ్చున‌ని తెలుస్తున్న‌ది.

ఇవీ స్పెషిఫికేష‌న్స్‌

• ఎంఐయూఐ12 బేస్డ్ ఆండ్రాయిడ్‌12 వ‌ర్ష‌న్‌పై ప‌ని చేస్తుంది.

• 6.67 అంగుళాల అమోల్డ్ ఫుల్ హెచ్డీ+ డిస్‌ప్లే (1,080 x 2,400 పిక్సెల్స్‌) విత్ అప్‌టూ 120 హెర్ట్జ్ రీఫ్రెష్ రేట్‌.

• సెల్ఫీ షూట‌ర్ కోసం హోల్‌పంచ్ కటౌట్‌.

• స్నాప్ డ్రాగ‌న్ 695 ఎస్వోసీ, క‌పుల్డ్ విత్ అప్‌టూ 8జీబీ ఎల్పీడీడీఆర్4ఎక్స్ రామ్.

• ట్రిపుల్ కెమెరా యూనిట్‌-48 మెగా పిక్సెల్ ప్రైమ‌రీ సెన్స‌ర్‌, 8-మెగా పిక్సెల్ సెకండ‌రీ సెన్స‌ర్‌, 2-మెగా పిక్సెల్ సెన్స‌ర్‌, సెల్ఫీల కోసం 16-మెగా పిక్సెల్ సెన్స‌ర్ ల‌భ్యం.

• యూఎఫ్ఎస్ 2.2 ద్వారా 256 జీబీ వ‌ర‌కు ఇంట‌ర్న‌ల్ స్టోరేజీ విస్త‌ర‌ణ‌.

• ధృవీక‌ర‌ణ కోసం సైడ్ మౌంటెడ్ ఫింగ‌ర్ ప్రింట్ సెన్స‌ర్ అండ్ స‌పోర్ట్స్ ఫేస్ అన్‌లాక్ ఫీచ‌ర్‌.