ఐదేండ్లలో 1.25 లక్షల కోట్లు

కార్ల తయారీలో అగ్రగామి సంస్థయైన మారుతి సుజుకీ దూకుడు పెంచింది. వచ్చే ఐదేండ్లలో రూ.1.25 లక్షల కోట్లు మూలధన వ్యయం చేయనున్నట్లు తాజాగా ప్రకటించింది. అలాగే ప్రస్తుతం మార్కెట్లో 17 మాడళ్లను విక్రయిస్తున్న సంస్థ..వచ్చే ఐదేండ్లలో ఈ సంఖ్యను 28కి పెంచుకోనున్నట్టు బీఎస్‌ఈకి సమాచారం అందించింది.

• పెట్టుబడి పెట్టనున్న మారుతి సుజుకీ

న్యూఢిల్లీ, అక్టోబర్‌ 9: కార్ల తయారీలో అగ్రగామి సంస్థయైన మారుతి సుజుకీ దూకుడు పెంచింది. వచ్చే ఐదేండ్లలో రూ.1.25 లక్షల కోట్లు మూలధన వ్యయం చేయనున్నట్లు తాజాగా ప్రకటించింది. అలాగే ప్రస్తుతం మార్కెట్లో 17 మాడళ్లను విక్రయిస్తున్న సంస్థ..వచ్చే ఐదేండ్లలో ఈ సంఖ్యను 28కి పెంచుకోనున్నట్టు బీఎస్‌ఈకి సమాచారం అందించింది.

• 2030-31 నాటికి కార్ల ఉత్పత్తి సామర్థ్యాన్ని 40 లక్షలకు పెంచుకోవాలని సంస్థ చూస్తున్నది.
• గురుగావ్‌, మానేసర్‌, గుజరాత్‌ ప్లాంట్ల సామర్థ్యాన్ని పెంచడానికి రూ.7,500 కోట్ల మేర పెట్టుబడి పెడుతున్నట్లు గతేడాది ప్రకటించింది.
• 2030-31 నాటికి ఉత్పత్తి సామర్థ్యాన్ని పెంచుకోవడానికి మొత్తంగా రూ.1.25 లక్షల కోట్లు ఇన్వెస్ట్‌ చేయనున్నట్టు తెలిపింది.
• ఈ నూతన పెట్టుబడులను 10-11 కొత్త మాడళ్లను అభివృద్ధి చేయడానికి ఖర్చు చేయనున్నది. వీటిలో ఈవీ, ఎస్‌యూవీలు కూడా ఉన్నాయి.
• మౌలిక వసతుల కల్పన, విక్రయాల కోసం ప్రత్యేక అవుట్‌లెట్లు ఏర్పాటు చేయబోతున్నది.
• సుజుకీకి రూ.12,500 కోట్లు లాభాలు, ఈపీఎస్‌, డివిడెండ్‌ చెల్లింపులు చేసింది మారుతి.
• రెండు నెలల క్రితం ఎస్‌ఎంజీని ఎస్‌ఎంసీలో విలీనమైన విషయం తెలిసిందే.
• ఎస్‌ఎంజీకి గుజరాత్‌లో ఏడాదికి 7.5 లక్షల యూనిట్లు ఉత్పత్తై ప్లాంట్‌ ఉన్నది.