జావా నుంచి సరికొత్త బైకులు

మహీంద్రా గ్రూపునకు చెందిన ప్రీమియం మోటర్‌సైకిల్‌ బ్రాండ్‌ జావా మరో మూడు మాడళ్లను మార్కెట్‌కు పరిచయం చేసింది.

మహీంద్రా గ్రూపునకు చెందిన ప్రీమియం మోటర్‌సైకిల్‌ బ్రాండ్‌ జావా మరో మూడు మాడళ్లను మార్కెట్‌కు పరిచయం చేసింది. జావా 42 ఎఫ్‌జే పేరుతో విడుదల చేసిన ఈ మోటార్‌సైకిళ్లు రూ.1.99 లక్షల నుంచి రూ.2.20 లక్షల లోపు లభించనున్నాయి.

ఈ సందర్భంగా మహీంద్రా గ్రూపు చైర్మన్‌ ఆనంద్‌ మహీంద్రా మాట్లాడుతూ..దేశవ్యాప్తంగా ప్రీమియం మోటార్‌ వాహనాలకు పెరుగుతున్న డిమాండ్‌ను దృష్టిలో పెట్టుకొని ఈ నయా మాడళ్లను అందుబాటులోకి తీసుకొచ్చినట్లు, దీంతో తమ బ్రాండ్‌ మరింత బలోపేతం కానున్నదన్నారు.

ప్రస్తుతం క్లాసిక్‌ లెజెండ్స్‌..జావా బ్రాండ్‌తో భారత్‌తోపాటు తూర్పు ఆసియా దేశాల్లో బైకులను విక్రయిస్తున్నది.