ఐటీ రంగంలోనే వలసలు అధికం

ఐటీ ఉద్యోగులు ఒక సంస్థ నుంచి మరో సంస్థకు మారడం ఈ రోజుల్లో సర్వ సాధారణమే. కోవిడ్‌ తర్వాత వలసలు ఎక్కువగా జరుగుతున్నాయని టీమ్‌ లీజ్‌ సంస్థ తాజాగా నివేదికలో వెల్లడించింది.

హైదరాబాద్‌ సిటీబ్యూరో, అక్టోబర్‌ 5 (నమస్తే తెలంగాణ): ఐటీ ఉద్యోగులు ఒక సంస్థ నుంచి మరో సంస్థకు మారడం ఈ రోజుల్లో సర్వ సాధారణమే. కోవిడ్‌ తర్వాత వలసలు ఎక్కువగా జరుగుతున్నాయని టీమ్‌ లీజ్‌ సంస్థ తాజాగా నివేదికలో వెల్లడించింది. జూలై నుంచి సెప్టెంబర్‌ త్రైమాసికానికి (క్యూ2-2022-23) నివేదికను ఇటీవల విడుదల చేసింది. వివరాలు…

• డిజిటలైజేషన్‌తో ఐటీ ఉద్యోగులకు డిమాం డు పెరగడంతో వలసల సంఖ్య అనూహ్యంగా పెరిగింది.
• ఉద్యోగులు వలస వెళ్లకుండా ఆయా కంపెనీలు ప్రయత్నిస్తున్నా, వేరే సంస్థలు ఇస్తు న్న ఆఫర్లు నచ్చడంతో వెళ్లిపోతున్నారు.
• అట్రిషన్‌ రేటు( వలసల రేటు) ఐటీ రంగంలో 22.03 శాతంగా ఉంది.
• విద్యా రంగంలో 13.11, హెల్త్‌కేర్‌, ఫార్మాస్యూటికల్స్‌లో 12.25 శాతం, ఇ-కామర్స్‌,స్టార్టప్‌లలో 11.04 శాతం, కేపీఓల్లో 10.52 శాతం, అగ్రి కల్చర్‌, అగ్రో కెమికల్స్‌లో 6.21, నిర్మాణ రంగం, రియల్‌ఎస్టేట్‌లో 4.29 శాతంగా అట్రిషన్‌ రేటు నమోదైంది.