పెరిగిన ఫారెక్స్‌ నిల్వలు

దేశంలోని డాలర్‌ నిల్వలు గత నెల 24తో ముగిసిన వారంలో పెద్ద ఎత్తున పెరిగాయి. 2.538 బిలియన్‌ డాలర్లు ఎగిసి భారతీయ ఫారెక్స్‌ రిజర్వులు 597.935 బిలియన్‌ డాలర్లకు చేరినట్టు శుక్రవారం ఆర్బీఐ తెలియజేసింది. అంతకుముందు వారంలో ఏకంగా 5.077 బిలియన్‌ డాలర్లు పెరిగాయి.

ముంబై, డిసెంబర్‌ 1: దేశంలోని డాలర్‌ నిల్వలు గత నెల 24తో ముగిసిన వారంలో పెద్ద ఎత్తున పెరిగాయి. 2.538 బిలియన్‌ డాలర్లు ఎగిసి భారతీయ ఫారెక్స్‌ రిజర్వులు 597.935 బిలియన్‌ డాలర్లకు చేరినట్టు శుక్రవారం ఆర్బీఐ తెలియజేసింది. అంతకుముందు వారంలో ఏకంగా 5.077 బిలియన్‌ డాలర్లు పెరిగాయి.

కాగా, మొత్తం ఫారెక్స్‌ రిజర్వుల్లో ఫారిన్‌ కరెన్సీ ఆస్తులు నవంబర్‌ 24 నాటికి 528.531 బిలియన్‌ డాలర్లుగా ఉన్నట్టు ఆర్బీఐ స్పష్టం చేసింది. అలాగే బంగారం నిల్వలు 296 మిలియన్‌ డాలర్లు ఎగిసి 46.338 బిలియన్‌ డాలర్లకు చేరాయి. 2021 అక్టోబర్‌లో దేశీయ ఫారెక్స్‌ నిల్వలు ఆల్‌టైమ్‌ హై రికార్డును సృష్టిస్తూ 645 బిలియన్‌ డాలర్లను తాకిన విషయం తెలిసిందే.