మార్కెట్లోకి హ్యుందాయ్‌ క్రెటా ఈవీ

దేశీయ ఆటోమొబైల్‌ దిగ్గజాల్లో ఒకటైన హ్యుందాయ్‌..మరో ఈవీని దేశీయ మార్కెట్‌కు పరిచయం చేయబోతున్నది. దేశీయంగా అత్యంత ప్రజాదరణ పొందిన క్రెటాను గురువారం ఈవీ రూపంలో ఆవిష్కరించింది.

• సింగిల్‌ చార్జింగ్‌తో 473 కిలోమీటర్లు

న్యూఢిల్లీ, జనవరి 2: దేశీయ ఆటోమొబైల్‌ దిగ్గజాల్లో ఒకటైన హ్యుందాయ్‌..మరో ఈవీని దేశీయ మార్కెట్‌కు పరిచయం చేయబోతున్నది. దేశీయంగా అత్యంత ప్రజాదరణ పొందిన క్రెటాను గురువారం ఈవీ రూపంలో ఆవిష్కరించింది. ఈ నెలలో జరగనున్న వాహన పండుగలో ఈ కారును ప్రదర్శించబోతున్నది. రెండు రకాల్లో లభించనున్న ఈ కారు ధర రూ.20 లక్షల నుంచి రూ.30 లక్షల మధ్యలో ఉంటుందని అంచనా.

దీంట్లో 51.4 కిలోవాట్ల బ్యాటరీతో తయారైన మాడల్‌ సింగిల్‌ చార్జింగ్‌తో 473 కిలోమీటర్లు మైలేజీ ఇవ్వనుండగా, 42 కిలోవాట్ల బ్యాటరీ కలిగిన మాడల్‌ 390 కిలోమీటర్లు ప్రయాణించనున్నది. దేశీయ మార్కెట్లోకి సంస్థ విడుదల చేసిన మూడో మాడల్‌ ఇదే కావడం విశేషం. టాటా కర్వ్‌.ఈవీ, ఎంజీ జెడ్‌ఎస్‌ ఈవీ, మారుతి ఈ-విటారా, బీవైడీ ఆటో 3లకు పోటీగా సంస్థ ఈ వాహనాన్ని విడుదల చేస్తున్నట్లు కంపెనీ వర్గాలు వెల్లడించాయి.

ఎలక్ట్రిక్‌ కారు ప్రత్యేకతలు

• సింగిల్‌ చార్జింగ్‌తో 473 కిలోమీటర్లు ప్రయాణించనున్నది.
• కేవలం 7.9 సెకండ్లలో 100 కిలోమీటర్లు వేగాన్ని అందుకోనున్నది.
• వాయిస్‌తో పానోరామిక్‌ సన్‌రూప్‌ కంట్రోల్‌, రెండు 10.25 ఇంచుల డిజిటల్‌ ఇన్ఫోటైన్‌మెంట్‌ డిస్‌ప్లే
• ఆరు ఎయిర్‌బ్యాగ్‌లు, 360 డిగ్రీల కెమెరా, డిజిటల్‌ కీ వంటి ఫీచర్స్‌తో తీర్చిదిద్దింది.
• కేవలం 58 నిమిషాల్లోనే 80 శాతం వరకు బ్యాటరీ చార్జింగ్‌కానున్నది. మొత్తం 4 గంటల్లో పూర్తికానున్నది.
• ఈ కారుపై ఎనిమిదేండ్లు లేదా 1.60 లక్షల కిలోమీటర్ల బ్యాటరీ వ్యారెంటీ కల్పిస్తున్నది సంస్థ