Honor Pad X9 | భారత్ మార్కెట్లోకి హానర్ పాడ్ ఎక్స్9 టాబ్లెట్.. ధరెంతంటే?!

Honor Pad X9 | చైనా టెక్నాలజీ సంస్థ హానర్.. భారత్ మార్కెట్లోకి హానర్ పాడ్ ఎక్స్9 పేరుతో కొత్త టాబ్లెట్ ఆవిష్కరించింది. రూ.14,499లకు లభిస్తుంది.

Honor Pad X9 | చైనాకు చెందిన టెక్నాలజీ సంస్థ హానర్.. భారత్ మార్కెట్లోకి ‘హానర్ పాడ్ ఎక్స్9’ టాబ్లెట్ ఆవిష్కరించింది. హానర్ పాడ్ ఎక్స్8 అప్‌డేటెడ్ వర్షన్‌గా తీసుకొచ్చిన హానర్ పాడ్ ఎక్స్9 టాబ్లెట్.. 11.5 అంగుళాల డిస్ ప్లే, 6-సరౌండ్ స్పీకర్లతో వస్తున్నది. 7250 ఎంఏహెచ్ కెపాసిటీ గల బ్యాటరీతో వస్తున్న హానర్ పాడ్ ఎక్స్9 టాబ్లెట్..4జీబీ రామ్ విత్ 128 జీబీ ఇంటర్నల్ స్టోరేజీ వేరియంట్‌గా వస్తున్నది. దీని ధర రూ.14,499. స్పేస్ గ్రే కలర్ ఆప్షన్‌లో విడుదలైంది.

ఈ-కామర్స్ జెయింట్ అమెజాన్ వెబ్ సైట్ ద్వారా ఆగస్టు రెండో తేదీ నుంచి ప్రీ బుకింగ్స్ ప్రారంభం అవుతాయి. ప్రీ-బుకింగ్స్ చేసుకున్న వారికి రూ.500 డిస్కౌంట్ ప్లస్ ఫ్రీ ఫ్లిప్ కవర్ అందిస్తారు.

హానర్ పాడ్ ఎక్స్9 స్పెషిపికేషన్స్ ఇలా..

• 11.5-అంగుళాల 2కే డిస్ ప్లే విత్ 2000×1200 పిక్సెల్ రిజొల్యూషన్ ఎట్ 120 హెర్ట్జ్ రీఫ్రెష్ రేట్, 400 పీక్ బ్రైట్‌నెస్.
• ఈ టాబ్లెట్ ఆండ్రాయిడ్ 13 బేస్డ్ మ్యాజిక్ యూఐ 7.1 ప్రాసెసర్ కలిగి ఉంటుంది. మల్టీ విండో యూసేజ్ కోసం మల్ట్రీ స్క్రీన్ కొలాబరేసన్, త్రీ ఫింగర్ స్వైఫ్ ఫీచర్లు ఉంటాయి. ఒక్టాకోర్ క్వాల్ కామ్ స్నాప్ డ్రాగన్ 695 ఎస్వోసీ ఆపరేటింగ్ సిస్టమ్ ఉంటుంది.

• ఫొటోగ్రఫీ కోసం హానర్ పాడ్ ఎక్స్9 టాబ్లెట్ 5 ఎంపీ రేర్ కెమెరా సెన్సర్, 5-మెగా పిక్సెల్ ఫ్రంట్ కెమెరా సెన్సర్ కలిగి ఉంటుంది.

• 7250 ఎంఏహెచ్ కెపాసిటీ గల బ్యాటరీతో కూడిన పవర్ బ్యాకప్, 22.5 వాట్ల ఫాస్ట్ చార్జింగ్ సపోర్ట్ కలిగి ఉంటది. టాబ్లెట్ పూర్తిగా చార్జింగ్ కావడానికి 13 గంటలు పడుతుంది. ఈ టాబ్లెట్ వై-ఫై, బ్లూటూత్ వీ5.1, యూఎస్బీ టైప్-సీ పోర్ట్ కనెక్టివిటీ కలిగి ఉంటది.