20 లక్షలు తగ్గనున్న లెక్సస్‌ కారు

వాహనాలపై జీఎస్టీని తగ్గిస్తూ కేంద్ర ప్రభుత్వం తీసుకున్న నిర్ణయానికి అనుగుణంగా మరో అరడజన్‌ వాహన సంస్థలు తమ వాహన ధరలను తగ్గిస్తున్నట్టు ప్రకటించాయి.

• వాహన ధరలకు కోత పెట్టినకియా, ఎంజీ తదితర

న్యూఢిల్లీ, సెప్టెంబర్‌ 8: వాహనాలపై జీఎస్టీని తగ్గిస్తూ కేంద్ర ప్రభుత్వం తీసుకున్న నిర్ణయానికి అనుగుణంగా మరో అరడజన్‌ వాహన సంస్థలు తమ వాహన ధరలను తగ్గిస్తున్నట్టు ప్రకటించాయి. వీటిలో కియా ఇండియా, జేఎస్‌డబ్ల్యూ ఎంజీ మోటర్‌, ఆడీ, నిస్సాన్‌, లెక్సస్‌, టీవీఎస్‌లు ఉన్నాయి.

కియా, ఎంజీ మోటర్‌, ఆడీ ధరలు వెంటనే అమలులోకి రాగా, కానీ నిస్సాన్‌, లెక్సస్‌ వాహన ధరలు మాత్రం ఈ నెల 22 నుంచి అమలులోకి రానున్నాయి. టీవీఎస్‌ మోటర్‌ వాహన ధరలను తగ్గించేదానిపై కసరత్తు చేస్తున్నది.

• కియా ఆయా మాడళ్లను బట్టి రూ.48,513 నుంచి రూ.4,48,542 వరకు తగ్గించింది.
• జేఎస్‌డబ్ల్యూ ఎంజీ మోటర్‌ మాడళ్ల ధరలను రూ.54 వేల నుంచి రూ.3.04 లక్షల వరకు దించింది.
• ఆడీ ఇండియా తమ వాహన ధరలను రూ.2.6 లక్షల నుంచి రూ.7.8 లక్షల వరకు కోత విధించింది.
• నిస్సాన్‌ మోటర్‌ కాంప్యాక్ట్‌ ఎస్‌యూవీ మాగ్నైట్‌ మాడల్‌ ధరను లక్ష రూపాయల వరకు దించింది. ఈ రేటు 22 నుంచి అమలులోకి రానున్నాయి.
• లెక్సస్‌ ఇండియా కూడా తన లగ్జరీ కార్ల ధరలను రూ.1.47 లక్షల నుంచి రూ.20.8 లక్షల వరకు తగ్గించింది. ఈ రేట్లు 22 నుంచి అమలులోకి రానున్నాయని ఒక ప్రకటనలో వెల్లడించింది.