Gold Rates | రూ.73 వేలకు చేరువలో బంగారం.. కారణమిదేనా..!

Gold Rates | దేశీయ బులియన్ మార్కెట్లో వరుసగా నాలుగో రోజు బంగారం ధరలు పెరిగాయి. శుక్రవారం దేశ రాజధాని ఢిల్లీలో 24 క్యారట్స్ బంగారం తులం ధర రూ.350 వృద్ధి చెంది రూ.72,850కి చేరుకున్నది.

August 2, 2024 / 06:23 PM IST

Gold Rates | రూ.73 వేలకు చేరువలో బంగారం.. కారణమిదేనా..!

Gold Rates | దేశీయ బులియన్ మార్కెట్లో వరుసగా నాలుగో రోజు బంగారం ధరలు పెరిగాయి. శుక్రవారం దేశ రాజధాని ఢిల్లీలో 24 క్యారట్స్ బంగారం తులం ధర రూ.350 వృద్ధి చెంది రూ.72,850కి చేరుకున్నది. గురువారం సెషన్ లో తులం బంగారం ధర రూ.72,500 వద్ద స్థిర పడింది. ఇదిలా ఉంటే కిలో వెండి ధర మాత్రం రూ.200 తగ్గింది. దేశ రాజధానిలో కిలో వెండి ధర శుక్రవారం రూ.86 వేల వద్ద ముగిసింది. గురువారం కిలో వెండి ధర రూ.86,200 వద్ద స్థిర పడింది.

యూఎస్ ఎకనమిక్ డేటా బలహీన పడటంతో బంగారానికి గిరాకీ పెరిగింది. దీనివల్లే బంగారం ధరలు పెరిగాయని బులియన్ వ్యాపారులు తెలిపారు. మధ్యప్రాచ్యంలో ఉద్రిక్తతలకు తోడు దేశీయంగా బంగారం, వెండి దిగుమతిపై సుంకం తగ్గించడంతో బంగారం కొనుగోళ్లకు ఆదరణ పెరిగిందంటున్నారు. అంచనాలకు అనుగుణంగా యూఎస్ ద్రవ్యోల్బణం నిలకడగా కొనసాగితే, సెప్టెంబర్ ప్రారంభంలో కీలక వడ్డీరేట్లు తగ్గిస్తామని యూఎస్ ఫెడ్ రిజర్వ్ చైర్మన్ జెరోమ్ పావెల్ సంకేతాలిచ్చారు.

అంతర్జాతీయంగా ఔన్స్ బంగారం ధర 26.60 డాలర్లు వృద్ధి చెంది 2507.40 డాలర్ల వద్ద స్థిర పడింది. ఔన్స్ వెండి ధర సైతం 2.01 శాతం పెరిగి 29.05 డాలర్లకు చేరుకున్నది. ఆసియాలో 2023లో అత్యధికంగా బంగారం కొనుగోలు చేసిన చైనా సెంట్రల్ బ్యాంకు.. మే నుంచి కొనుగోళ్లు తగ్గాయి. వరుసగా రెండో నెల జూన్ లో బంగారం కొనుగోళ్లు పెరగలేదు.