అమ్మకాలు పడిపోతాయేమో.. మోదీ పిలుపు నేపథ్యంలో నగల పరిశ్రమలో ఆందోళన
న్యూఢిల్లీ, మే 12: ఒక సంవత్సరంపాటు బంగారం కొనుగోళ్లకు దూరంగా ఉండాలంటూ దేశ ప్రజలకు ప్రధాన మంత్రి నరేంద్ర మోదీ పిలుపునిచ్చిన నేపథ్యంలో నగల మార్కెట్లో ఒకింత అలజడి కనిపిస్తున్నది.
న్యూఢిల్లీ, మే 12 : ఒక సంవత్సరంపాటు బంగారం కొనుగోళ్లకు దూరంగా ఉండాలంటూ దేశ ప్రజలకు ప్రధాన మంత్రి నరేంద్ర మోదీ పిలుపునిచ్చిన నేపథ్యంలో నగల మార్కెట్లో ఒకింత అలజడి కనిపిస్తున్నది. ఈ క్రమంలోనే పసిడి ఆభరణాల తయారీకి పేరుగాంచిన జైపూర్ గోల్డ్ జ్యుయెల్లరీ మార్కెట్ వర్గాలు ఆందోళన వ్యక్తం చేశాయి. మోదీ మాటలతో బంగారు నగలకు డిమాండ్ తగ్గిపోయి, అమ్మకాలు పడిపోతాయేమోనన్న భయాల్ని ట్రేడర్లు వెలిబుచ్చారు. పుత్తడికి ఆదరణ తగ్గితే జ్యుయెల్లరీ ఫ్యాక్టరీలు, షోరూంలలో పనిచేసే స్వర్ణకారులు, ఇతర ఉద్యోగుల జీవనోపాధి ప్రమాదంలో పడుతుందన్నారు. ఇక బంగారం లభ్యతలోగానీ లేదా డిమాండ్లోగానీ ఏదైనా క్షీణత చోటుచేసుకుంటే నేరుగా అది ఉపాధి అవకాశాలు, ఎగుమతులు, చిరు వ్యాపారాలనే దెబ్బతీస్తుందని పరిశ్రమ ప్రతినిధులు హెచ్చరించారు.
ఏటా ఒక్క రాజస్థాన్లోని ఇండస్ట్రీనే దాదాపు 42-45 టన్నుల బంగారం వాడుతుందన్న ట్రేడర్లు.. పెండ్లిళ్లకు, సంప్రదాయ జ్యుయెల్లరీ, రత్నాభరణాలకు గిరాకీ బాగా ఉంటుందని చెప్తున్నారు. ఇక్కడి పరిశ్రమలపై లక్షలాది కళాకారులు, డిజైనర్లు, పాలిషర్లు, స్మాల్ ట్రేడర్లు, ఎగుమతిదారులు ఆధారపడి జీవిస్తున్నారని గుర్తుచేస్తున్నారు. ఈ క్రమంలో మోదీ పిలుపు వీరందరినీ రోడ్డునపడేసేలా ఉందన్న ఆందోళనలు ఇండస్ట్రీ వర్గాల నుంచి వ్యక్తమవుతున్నాయి. ఇదిలావుంటే దేశంలోని ప్రజలు, ఆలయాలు, ఇతరత్రా పెట్టుబడుల్లో దాదాపు 20వేల టన్నుల బంగారం ఉందని, దాన్ని రీసైక్లింగ్, ఎక్సేంజ్, రీయూజ్, మానిటైజేషన్ చేస్తే దిగుమతుల్ని తగ్గించుకోవచ్చని ప్రముఖ రిటైల్ జ్యుయెల్లర్స్ అభిప్రాయపడుతున్నారు.
దేశీయంగా రత్నాలు, ఆభరణాల కోసం జైపూర్ ప్రత్యేక మార్కెట్. ఉపాధి, హస్తకళలు, ఎగుమతులు, పర్యాటకం, సంస్కృతీ, సంప్రదాయాలకు ఈ నగరం నెలవు. లక్షలాది కుటుంబాలు ఈ నగరంపై ముఖ్యంగా స్థానిక జ్యుయెల్లరీ ఇండస్ట్రీపై ఆధారపడి జీవిస్తున్నాయి. ఇప్పుడు బంగారానికి డిమాండ్ పడిపోతే వారందరికీ సవాళ్లు తప్పవు.
-అజయ్ కాలా, జైపూర్ చాంబర్ ఆఫ్ కామర్స్ అండ్ ఇండస్ట్రీస్ సెక్రటరీ
దేశంలోని బంగారాన్నే రీసైక్లింగ్, మార్పిడి, పునర్వినియోగం, నగదీకరణ చేస్తే దిగుమతులపై ఆధారపడటాన్ని తగ్గించుకోవచ్చు. దీనివల్ల ప్రజలు పసిడి కొనుగోళ్లను వాయిదా వేయాల్సిన అవసరం ఉండదు. నిజానికి నగల కొనుగోళ్లు నేరుగా కొత్త బంగారం దిగుమతులకు కారణం కావడం లేదు. పైగా దేశ ఉద్యోగ, ఉపాధి అవకాశాల్లో నగల తయారీ పరిశ్రమ వాటా ఎంతో ఉన్నది.
-సువంకర్ సేన్, సెన్కో గోల్డ్ సీఈవో, ఎండీ
Read Today's Latest Business News in Telugu and Telugu News
RELATED ARTICLES
తాజా వార్తలు
HBA1C | 3 నెలల సగటు చక్కెర స్థాయిలను తెలిపే హెచ్బీఏ1సీ పరీక్ష నిజమైన ఫలితాలనే ఇస్తుందా..?
Keerthy Suresh | కీర్తి సురేశ్ ‘సత్యవాన్ సావిత్రి’కి ఊహించని ఓపెనింగ్స్.. తొలి రోజే షాక్!
Allu Aravind | అల్లు సినిమాస్లో టికెట్ల బ్లాకింగ్పై ప్రేక్షకుల ఆగ్రహం.. వెంటనే వీడియో కాల్ చేసిన అల్లు అరవింద్,అక్కడికక్కడే కీలక నిర్ణయం!
Salman Khan | చిరంజీవి, వెంకటేశ్, రామ్ చరణ్, ఎన్టీఆర్ సినిమాల్లో ఛాన్స్ ఇస్తే రెడీ.. టాలీవుడ్ హీరోలపై సల్మాన్ ఖాన్ ఆసక్తికర వ్యాఖ్యలు!
Priyanka Arul | ఓజీ హీరోయిన్ ప్రియాంక మోహన్ సాహసం.. అంధురాలిగా కొత్త అవతారం,బర్త్డే పోస్టర్తో ఆసక్తి పెంచిన మేకర్స్!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

