గోల్డ్‌ లోన్‌ ఎల్‌టీవీ రేషియో పెంపు

బంగారం తాకట్టుపై రుణాలకు సంబంధించి లోన్‌-టు-వాల్యూ (ఎల్‌టీవీ) రేషియోను ఆర్బీఐ పెంచింది. రుణం రూ.2.5 లక్షలలోపుంటే.. తనఖా పెట్టిన బంగారం విలువలో 85 శాతం వరకు అప్పు తీసుకోవచ్చు. ప్రస్తుతం ఇది 75 శాతమే. అలాగే రూ.2.5 లక్షలు-రూ.5 లక్షల మధ్య రుణగ్రహీతలకు 80 శాతంగా ఎల్‌టీవీ నిష్పత్తిని నిర్ణయించింది. రూ.5 లక్షలకుపైగా గోల్డ్‌ లోన్లు తీసుకునేవారికి ఎల్‌టీవీ 75 శాతంగా వర్తిస్తుంది.

బంగారం తాకట్టుపై రుణాలకు సంబంధించి లోన్‌-టు-వాల్యూ (ఎల్‌టీవీ) రేషియోను ఆర్బీఐ పెంచింది. రుణం రూ.2.5 లక్షలలోపుంటే.. తనఖా పెట్టిన బంగారం విలువలో 85 శాతం వరకు అప్పు తీసుకోవచ్చు. ప్రస్తుతం ఇది 75 శాతమే. అలాగే రూ.2.5 లక్షలు-రూ.5 లక్షల మధ్య రుణగ్రహీతలకు 80 శాతంగా ఎల్‌టీవీ నిష్పత్తిని నిర్ణయించింది. రూ.5 లక్షలకుపైగా గోల్డ్‌ లోన్లు తీసుకునేవారికి ఎల్‌టీవీ 75 శాతంగా వర్తిస్తుంది. దీంతో ఇంతకుముందు ఆర్బీఐ గోల్డ్‌ లోన్లకు సంబంధించి చేసిన ప్రకటనలకు స్పష్టత ఇచ్చినైట్టెంది. కాగా, ఎల్‌టీవీ రేషియో.. రుణం తీసుకునే రోజు తనఖా కోసం తెచ్చిన బంగారం విలువపై ఆధారపడి ఉంటుంది. ఉదాహరణకు తులం బంగారం తనఖా పెట్టి రుణం తీసుకోవాలనుకున్నారు. ఆ రోజు మీ బంగారం విలువను రూ.80,000గా తేల్చారు. దీని ప్రకారం మీకు గరిష్ఠంగా రూ.68,000 రుణం (రూ.80,000లలో 85 శాతం)గా వస్తుంది. ఒకవేళ బుల్లెట్‌ రీపేమెంట్‌ రుణాలైతే.. ఎల్‌టీవీ లెక్కింపు మెచ్యూరిటీ సమయంలో చెల్లించే మొత్తంపై ఆధారపడి ఉంటుంది.

• తనఖా బంగారం యాజమాన్య హక్కులకు సంబంధించి ఏదైనా సందేహాలుంటే రుణాన్ని పొడిగించవద్దని కూడా ఆర్బీఐ చెప్పింది. ఈ క్రమంలోనే రుణగ్రహీత నుంచి తనఖా కోసం తెచ్చిన బంగారం ధ్రువపత్రాలను బ్యాంకర్లు, ఇతర రుణదాతలు తీసుకోవాలన్నది.
• ఎక్చేంజ్‌ ట్రేడెడ్‌ ఫండ్స్‌ యూనిట్లు లేదా మ్యూచువల్‌ ఫండ్స్‌ యూనిట్ల తనఖాపై అడ్వాన్స్‌లు, రుణాలు ఇవ్వరాదు.
• కిలోకు మించి బంగారం నగలు తాకట్టు పెట్టుకొని రుణాలు మంజూరు చేయరాదు. వెండి ఆభరణాలైతే ఈ పరిమితి 10 కిలోలు. బంగారు నాణేలైతే 50 గ్రాములు మించరాదు. వెండి నాణేల తాకట్టుకు పరిమితి 500 గ్రాములు.
• తనఖా పెట్టిన బంగారం లేదా వెండిని వాస్తవిక ప్యూరిటి (క్యారెట్స్‌) ఆధారిత ధరల ప్రకారమే తీసుకోవాలి.