Forex Reserves | దేశంలో జీవనకాల గరిష్ఠానికి ఫారెక్స్ నిల్వలు..!

Forex Reserves | భారత్‌లో విదేశీ మారక నిల్వలు (Forex Reserve) జీవనకాల గరిష్టానికి చేరుకున్నాయి. ఈ నెల 23తో ముగిసిన వారానికి ఫారెక్స్ నిల్వలు 681.69 బిలియన్ డాలర్లకు చేరాయని శుక్రవారం ఆర్బీఐ వెల్లడించింది. ఈ నెల 16తో ముగిసిన వారానికి 4.54 బిలియన్ డాలర్ల వృద్ధితో 674.66 బిలియన్ డాలర్లకు చేరిన ఫారెక్స్ నిల్వలు.. ఈ నెల 23తో ముగిసిన వారానికి మరో 7.02 బిలియన్ డాలర్లు పెరిగాయి.

Forex Reserves : భారత్‌లో విదేశీ మారక నిల్వలు (Forex Reserve) జీవనకాల గరిష్టానికి చేరుకున్నాయి. ఈ నెల 23తో ముగిసిన వారానికి ఫారెక్స్ నిల్వలు 681.69 బిలియన్ డాలర్లకు చేరాయని శుక్రవారం ఆర్బీఐ వెల్లడించింది. ఈ నెల 16తో ముగిసిన వారానికి 4.54 బిలియన్ డాలర్ల వృద్ధితో 674.66 బిలియన్ డాలర్లకు చేరిన ఫారెక్స్ నిల్వలు.. ఈ నెల 23తో ముగిసిన వారానికి మరో 7.02 బిలియన్ డాలర్లు పెరిగాయి.

ఫారెక్స్ మార్కెట్లో యూఎస్ డాలర్ మీద రూపాయి మారకం విలువ పతనం కాకుండా ఆర్బీఐ జోక్యం చేసుకుంటున్నది. ఫారిన్ కరెన్సీ అసెట్స్ (ఎఫ్సీఏ) 5.98 బిలియన్ డాలర్లు వృద్ధి చెంది 597.55 బిలియన్ డాలర్లకు చేరాయి. బంగారం రిజర్వు నిల్వలు 893 మిలియన్ డాలర్లు పెరిగి 60.9 బిలియన్ డాలర్ల వద్ద స్థిరపడ్డాయి. ఎస్డీఆర్‌లు 118 మిలియన్ డాలర్లు పుంజుకుని 18.45 బిలియన్ డాలర్లకు చేరాయి. ఐఎంఎఫ్‌లో భారత ఫారెక్స్ రిజర్వ్ నిల్వలు మూడు మిలియన్ డాలర్లు పెరిగి 4.68 బిలియన్ డాలర్ల వద్ద ముగిశాయి.

ఆగస్టు రెండో తేదీతో ముగిసిన వారానికి ఫారెక్స్ రిజర్వ్‌ నిల్వలు 675 బిలియన్ డాలర్లతో ఆల్ టైం గరిష్టానికి చేరినా, ఆగస్టు తొమ్మిదో తేదీతో ముగిసిన వారానికి 4.8 బిలియన్ డాలర్లు పతనమయ్యాయి.