EPFO | ఉద్యోగులకు భారీ ఊరటనిచ్చిన సీబీటీ..! ఇక వందశాతం ఉపసంహరించుకునే ఛాన్స్‌..!

EPFO | ఉద్యోగుల భవిష్య నిధి సంస్థ బోర్డు సోమవారం కీలక నిర్ణయం తీసుకున్నది. 70 మిలియన్లకుపైగా ఉన్న చందాదారులను దృష్టిలో పెట్టుకొని సరళీకృత పాక్షిక ఉపసంహరణ పథకానికి ఆమోదముద్ర వేసింది.

EPFO | ఉద్యోగుల భవిష్య నిధి సంస్థ బోర్డు సోమవారం కీలక నిర్ణయం తీసుకున్నది. 70 మిలియన్లకుపైగా ఉన్న చందాదారులను దృష్టిలో పెట్టుకొని సరళీకృత పాక్షిక ఉపసంహరణ పథకానికి ఆమోదముద్ర వేసింది. ఇందులో సభ్యులు ఇప్పుడు ఈపీఎఫ్‌వో ఖాతా బ్యాలెన్స్‌లో వందశాతం వరకు ఉపసంహరించుకునే అవకాశం ఉంది. కార్మిక మంత్రి మన్సుఖ్‌ మాండవీయ నేతృత్వంలో ఈపీఎఫ్‌వో అత్యున్నత నిర్ణయాధికార సంస్థ అయిన సెంట్రల్‌ బోర్డ్‌ ఆఫ్‌ ట్రస్టీస్‌ (CBT) సమావేశంలో పలు కీలక నిర్ణయాలు తీసుకున్నట్లు కార్మిక మంత్రిత్వశాఖ సోమవారం ఓ ప్రకటనలో తెలిపింది.

ఈపీఎఫ్‌ సభ్యుల జీవితాలను సరళీకృతం చేసేందుకు.. సీబీటీ 13 సంక్లిష్ట నిబంధనలను ఒకే క్రమబద్ధీకరించిన రూల్‌లో విలీనం చేయాలని నిర్ణయించింది. ఈపీఎఫ్‌ స్కీమ్‌లో పాక్షిక ఉపసంహరణ నిబంధనలను సవరించారు. వాటిని అవసరమైన (అనారోగ్యం, విద్య, వివాహం), గృహ అవసరాలు, ప్రత్యేక పరిస్థితులుగా వర్గాలుగా వర్గీకరించారు. సభ్యులు ఇప్పుడు ఉద్యోగి, యజమాని సహకారంతో సహా వారి అర్హత కలిగిన ప్రావిడెంట్ ఫండ్ బ్యాలెన్స్‌లో 100 శాతం వరకు ఉపసంహరించుకునే వీలుంటుంది. ఇందుకు సంబంధించి విత్‌డ్రా పరిమితులను సవరించారు. విద్య కోసం పది పాక్షిక ఉపసంహరణలు, వివాహం కోసం ఐదుసార్లు పాక్షిక ఉపసంహరణకు అనుమతి ఉంటుంది. అన్ని పాక్షిక విత్‌డ్రాలకు కనీస అవసరం కూడా కేవలం 12 నెలలకు తగ్గించారు.