67వేల పాయింట్ల ఎగువన సెన్సెక్స్‌

అంతర్జాతీయ సానుకూల సంకేతాల నేపథ్యంలో మార్కెట్‌ రికార్డుల ర్యాలీ వరుసగా ఐదో ట్రేడింగ్‌ రోజున సైతం కొనసాగింది. బుధవారం సరికొత్త రికార్డులు నెలకొన్నాయి. క్రితం రోజు 67,000 పాయింట్లపైన ముగిసే అవకాశాన్ని కోల్పోయిన బీఎస్‌ఈ సెన్సెక్స్‌ తాజాగా ఈ ఫీట్‌ సాధించింది. 302 పాయింట్లు లాభపడి నూతన రికార్డుస్థాయి 67,097 పాయింట్ల వద్ద క్లోజయ్యింది.

ముంబై, జూలై 19: అంతర్జాతీయ సానుకూల సంకేతాల నేపథ్యంలో మార్కెట్‌ రికార్డుల ర్యాలీ వరుసగా ఐదో ట్రేడింగ్‌ రోజున సైతం కొనసాగింది. బుధవారం సరికొత్త రికార్డులు నెలకొన్నాయి. క్రితం రోజు 67,000 పాయింట్లపైన ముగిసే అవకాశాన్ని కోల్పోయిన బీఎస్‌ఈ సెన్సెక్స్‌ తాజాగా ఈ ఫీట్‌ సాధించింది. 302 పాయింట్లు లాభపడి నూతన రికార్డుస్థాయి 67,097 పాయింట్ల వద్ద క్లోజయ్యింది.

ఇదేరీతిలో ఎన్‌ఎస్‌ఈ నిఫ్టీ కూడా కీలకమైన 19,800 పాయింట్ల స్థాయిని అధిగమించి 19,833 వద్ద ముగింపు రికార్డును నెలకొల్పింది. ఈ సూచి 84 పాయింట్లు లాభపడింది. అలాగే భారత్‌ వృద్ధి రేటు 6.4 శాతం, వచ్చే ఏడాది 6.7 శాతం చొప్పున ఉంటుందంటూ ఏడీబీ అంచనాలు ఇన్వెస్టర్ల విశ్వాసాన్ని పెంపొందించాయని విశ్లేషకులు వివరించారు.