సువెన్‌ ఫార్మాలోకి 9,589 కోట్ల ఎఫ్‌డీఐ గ్రీన్‌సిగ్నల్‌ ఇచ్చిన కేంద్ర క్యాబినెట్‌

హైదరాబాద్‌ కేంద్రంగా కార్యకలాపాలు కొనసాగిస్తున్న సువెన్‌ ఫార్మాస్యూటికల్స్‌కు కేంద్ర ప్రభుత్వం శుభవార్తను అందించింది. సంస్థలోకి వచ్చిన రూ.9,589 కోట్ల విలువైన విదేశీ ప్రత్యక్ష పెట్టుబడుల ప్రతిపాదనకు కేంద్ర క్యాబినెట్‌ పచ్చజెండా ఊపింది. సైప్రస్‌కు చెందిన బెర్హ్యాండా ఈ భారీ పెట్టుబడులు పెట్టబోతున్నది. దీంతో సువెన్‌ ఫార్మాస్యూటికల్స్‌లో బెర్హ్యాండా 76.1 శాతం వాటా కలిగివుండనున్నది.

న్యూఢిల్లీ, సెప్టెంబర్‌ 13: హైదరాబాద్‌ కేంద్రంగా కార్యకలాపాలు కొనసాగిస్తున్న సువెన్‌ ఫార్మాస్యూటికల్స్‌కు కేంద్ర ప్రభుత్వం శుభవార్తను అందించింది. సంస్థలోకి వచ్చిన రూ.9,589 కోట్ల విలువైన విదేశీ ప్రత్యక్ష పెట్టుబడుల ప్రతిపాదనకు కేంద్ర క్యాబినెట్‌ పచ్చజెండా ఊపింది. సైప్రస్‌కు చెందిన బెర్హ్యాండా ఈ భారీ పెట్టుబడులు పెట్టబోతున్నది. దీంతో సువెన్‌ ఫార్మాస్యూటికల్స్‌లో బెర్హ్యాండా 76.1 శాతం వాటా కలిగివుండనున్నది. ఈ వాటాకు సంబంధించి ప్రమోటర్లు, పబ్లిక్‌ షేరు హోల్డర్లు తమ వాటాను బెర్హ్యాండాకు బదలాయించాల్సి ఉంటుంది. ఈ వాటా కొనుగోలు ప్రతిపాదనకు ఇప్పటికే సెబీ, ఆర్బీఐ, సీసీఐ, ఇతర ఏజెన్సీలు అనుమతినిచ్చాయి. మరోవైపు, గడిచిన ఐదేండ్లకాలంలో ఫార్మా రంగంలోకి రూ.43,713 కోట్ల విదేశీ ప్రత్యక్ష పెట్టుబడులు వచ్చాయి.