ఏపీ సీఎం మొండివైఖరి సరికాదు : సీపీఐ జాతీయ కార్యదర్శి

CPI secretary|ఆంధ్రప్రదేశ్‌లో మూడు రాజధానులంటూ ఏపీ సీఎం మొండివైఖరీని అవలంభిస్తున్నారని సీపీఐ జాతీయ కార్యదర్శి బినయ్ విశ్వం ఆరోపించారు

అమరావతి : ఆంధ్రప్రదేశ్‌లో మూడు రాజధానులంటూ ఏపీ సీఎం మొండివైఖరీని అవలంభిస్తున్నారని సీపీఐ జాతీయ కార్యదర్శి బినయ్ విశ్వం ఆరోపించారు. అమరావతే రాజధానిగా కొనసాగించాలంటూ తుళ్లూరులో నిర్వహిస్తున్న ధీక్షా శిబిరాన్ని ఆయన సందర్శించి మద్దతు తెలిపారు. ఈ సందర్భంగా ఆయన మాట్లాడుతూ వైఎస్‌ జగన్​ ఆధునిక తుగ్లక్​గా వ్యవహరిస్తున్నారని దుయ్యబట్టారు.

అమరావతిని రాజధానిగా నిర్మించే వరకు రైతుల పోరాటానికి అండగా ఉంటామని ప్రకటించారు. ముఖ్యమంత్రి జగన్​ ఇప్పటికైనా మనసు మార్చుకుని అమరావతిని నిర్మించాలని డిమాండ్ చేశారు. హైకోర్టు తీర్పును కూడా ముఖ్యమంత్రి గౌరవించడం లేదని సీపీఐ రాష్ట్ర కార్యదర్శి రామకృష్ణ విమర్శించారు. జగన్‌ మూడేండ్ల పాలనలలో రాయలసీమ ఏమాత్రం అభివృద్ధికి నోచుకోలేకపోయిందని ఆరోపించారు.