Visit:
Train Fire Accident | ఆంధ్రప్రదేశ్‌లోని ఏలూరు రైల్వేస్టేషన్‌లోని ఓ రైలులో అగ్నిప్రమాదం జరిగింది. రైల్వే టెక్నికల్‌ వ్యాగన్‌లో మంటలు చెలరేగాయి. వ్యాగన్‌లో ఆయిల్‌ టిన్నులు ఉండడంతో మంటలు అంటుకోవడంతో బోగీ మొత్తం దగ్ధమైంది. అయితే, వెంటనే మంటలను గమనించిన రైల్వే సిబ్బంది వేగంగా స్పందించారు. సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకొని మంటలను అదుపులోకి తీసుకువచ్చారు. అగ్నిప్రమాదంతో ఒక్కసారిగా భారీగా పొగ ఆ ప్రాంతాన్ని కమ్మేసింది.
ప్రమాదానికి షార్ట్‌ సర్క్యూట్‌ కారణంగా తెలుస్తున్నది. సకాలంలో మంటలు అదుపులోకి తీసుకరావడంతో తప్పిన పెను ప్రమాదం తప్పినట్లయ్యింది. అయితే, ప్రమాదం జరిగిన సమయంలో తొమ్మిది మంది సిబ్బంది బోగీలో ఉన్నట్లు తెలుస్తున్నది. పూర్తి వివరాలు తెలియాల్సి ఉంది. ఇదిలా ఉండగా.. ఇటీవల వరుస ప్రమాదాలు ప్రయాణికులను కలవరానికి గురి చేస్తున్నాయి. ఒడిశా బాలాసోర్‌లో జరిగిన ఘోర దుర్ఘటనలో 280 మందికిపైగా ప్రాణాలు కోల్పోగా.. వెయ్యి మందికిపైగా గాయపడ్డారు. ఈ ఘటనను మరిచిపోక ముందే పలు రైళ్లలో మంటలు చెలరేగడం ఆందోళనకు గురి చేస్తున్నది.
