By Elections | ఉభయ గోదావరి జిల్లాల టీచర్‌ ఎమ్మెల్సీ ఉప ఎన్నికకు షెడ్యూల్‌ విడుదల

By Elections | ఏపీలోని తూర్పుగోదావరి, పశ్చిమ గోదావరి జిల్లాల ఉపాధ్యాయ ఎమ్మెల్సీ స్థానంలో ఉప ఎన్నిక నిర్వహించేందుకు కేంద్ర ఎన్నికల సంఘం షెడ్యూల్‌ విడుదల చేసింది. ఉభయ గోదావరి జిల్లాల ఉపాధ్యాయ ఎమ్మెల్సీగా ఉన్న షేక్‌ సాబ్జీ ఇటీవల రోడ్డు ప్రమాదంలో మరణించారు.

By Elections | ఏపీలోని తూర్పుగోదావరి, పశ్చిమ గోదావరి జిల్లాల ఉపాధ్యాయ ఎమ్మెల్సీ స్థానంలో ఉప ఎన్నిక నిర్వహించేందుకు కేంద్ర ఎన్నికల సంఘం షెడ్యూల్‌ విడుదల చేసింది. ఉభయ గోదావరి జిల్లాల ఉపాధ్యాయ ఎమ్మెల్సీగా ఉన్న షేక్‌ సాబ్జీ ఇటీవల రోడ్డు ప్రమాదంలో మరణించారు. ఈ క్రమంలో ఆ స్థానానికి ఉప ఎన్నిక అనివార్యమైంది. దీంతో ఇక్కడ ఉప ఎన్నిక కోసం ఈ నెల 11న నోటిఫికేషన్‌ విడుదల చేయనున్నట్లు ఎన్నికల సంఘం తెలిపింది.

తాజా షెడ్యూల్‌ ప్రకారం నవంబర్‌ 18వ తేదీ వరకు నామినేషన్లు స్వీకరించనున్నారు. ఈ నెల 19న నామినేషన్ల పరిశీలన చేపడతారు. నామినేషన్ల ఉపసంహరణకు నవంబర్‌ 21 వరకు తుదిగడువు విధించారు. ఇక డిసెంబర్‌ 5న ఉప ఎన్నిక నిర్వహించనున్నారు. డిసెంబర్‌ 9న ఓట్ల లెక్కింపు చేపట్టి ఫలితాలు విడుదల చేయనున్నారు.