భక్తుడి వేషంలో వచ్చి.. టీడీపీ నేతపై కత్తితో దాడి

ఎదుటి వ్యక్తిపై ప్రతికారం తీర్చుకోవడానికి దుండగులు నానా వేషాలు వేస్తున్నారు. ఎవరూ గుర్తుపట్టకుండా ముఖానికి మాస్కులు

అమరావతి : ఎదుటి వ్యక్తిపై ప్రతికారం తీర్చుకోవడానికి దుండగులు నానా వేషాలు వేస్తున్నారు. ఎవరూ గుర్తుపట్టకుండా ముఖానికి మాస్కులు వేసుకుని దాడులకు పాల్పడ్డ దారుణ ఘటనలు అనేకం చూస్తున్నా సరికొత్తగా భక్తుల వేషాధారణలో వచ్చి హత్యాయత్నాలకు పాల్పడుతుండడం కలకలం రేపుతుంది. ఏపీలోని కాకినాడ జిల్లా తునిలో టీడీపీ నాయకుడు శేషగిరిరావుపై భవాని మాలలో వచ్చిన గుర్తు తెలియని వ్యక్తి కత్తితో దాడికి పాల్పడ్డాడు. ఈ ఘటనలో శేషగిరి రావు చేతికి, తలకు తీవ్ర గాయాలు అయ్యాయి. కుటుంబసభ్యులు అతడిని ఆసుపత్రికి తరలించి చికిత్స అందిస్తున్నారు.

Cinematic attack caught on camera in #Tuni #Kakinada #AndhraPradesh … Attacker came dressed as holyman, seeking alms, suddenly took out weapon and attacked #TeluguDesam leader #PolnatiSheshagiriRao on head & neck, grievously injuring him, then escaped on bike @ndtv @ndtvindia pic.twitter.com/BisGrR2FhN

— Uma Sudhir (@umasudhir) November 17, 2022

ఉదయం భవాని మాలధారణలో ఉన్న ఓ వ్యక్తి ఇంటికి వచ్చి భిక్షం కావాలని అడగగా టీడీపీ నేత శేషగిరిరావు ఇంట్లోకి వెళ్లి బియ్యం తీసుకొచ్చి అతడికి వేస్తుండగానే ఒక్కసారిగా పొడవాటి కత్తితో మెడపై దాచి చేశాడు. ఈ దాడి నుంచి కాపాడుకోవడానికి చేతిని అడ్డుపెట్టుకోగా , మరోసారి దాడికి యత్నించి పారిపోయాడు. దీంతో శేషగిరిరావు అరుపులను విన్న కుటుంబసభ్యులు ఇంట్లో నుంచి బయటకు రాగా దుండగుడు బైక్ పై పారిపోయాడు. ఈ దాడిలో శేషగిరి రావు చేతికి తీవ్ర గాయాలయ్యాయి.

ప్రస్తుతం అతడిని ఆసుపత్రికి తరలించి చికిత్స అందిస్తున్నారు. బాధితుడి ఫిర్యాదు మేరకు పోలీసులు కేసు నమోదు చేసుకుని సీసీ ఫుటేజీ వీడియోను పరిశీలించారు. కాగా దాడికి పాల్పడ్డ దుండగుడి కోసం పోలీసులు గాలింపు చర్యలు ముమ్మరం చేశారు. విషయం తెలుసుకున్న టీడీపీ నాయకులు శేషగిరిరావును ఆస్పత్రిలో పరామర్శించారు.