ఏపీలో కొత్తగా 2,665 కరోనా కేసులు

అమరావతి : ఆంధ్రప్రదేశ్‌ రాష్ట్రంలో గడిచిన 24 గంటల్లో కొత్తగా 2,665 కరోనా పాజిటివ్‌ కేసులు నమోదయ్యాయి. 91,677 శాంపిల్స్‌ను పరీక్షించగా వీటిలో 2,665 పాజిటివ్‌గా నిర్దారణ అయ్యాయి. కాగా కొవిడ్‌-19తో తాజా 16 మంది చనిపోయారు. 3,231 మంది కొవిడ్‌ నుంచి పూర్తిగా కోలుకున్నారు. తాజాగా నమోదైన కేసులతో కలుపుకుని ఏపీలో కరోనా పాజిటివ్‌ కేసుల సంఖ్య 19,19,948కి చేరింది. వీటిలో యాక్టివ్‌ కేసుల సంఖ్య28,680గా ఉంది. కొవిడ్‌-19తో ఏపీలో ఇప్పటివరకు 13,002 మంది మృత్యువాతపడ్డారు. జిల్లాల వారీగా తాజాగా నమోదైన కొవిడ్‌ మరణాల వివరాలిలా ఉన్నాయి. తూర్పు గోదావరిలో నలుగురు, చిత్తూరు, గుంటూరులో ముగ్గురు చొప్పున, శ్రీకాకుళంలో ఇద్దరు, కృష్ణ, నెల్లూరు, ప్రకాశం, విశాఖపట్నంలో ఒక్కొక్కరు చొప్పున మరణించారు.