చలి తీవ్రంగా ఉన్న ప్రాంతంలో ఎలాంటి కూరగాయలు పండించాలి

కూర మిరప (బెంగుళూరు మిర్చి), ఫ్రెంచి చిక్కుడు (బీర్నీసు) లాంటివి శీతకాలం చల్లని వాతావరణానికి అనుకూలమైన పంటలు. రాత్రి అత్యల్ప ఉష్ణోగ్రత 10 నుంచి 17 డి. సెం.గ్రే. మధ్య ఉండే ప్రాంతాల్లో బెంగుళూరు మిర్చి సాగు చేసుకోవచ్చు

కూర మిరప (బెంగుళూరు మిర్చి), ఫ్రెంచి చిక్కుడు (బీర్నీసు) లాంటివి శీతకాలం చల్లని వాతావరణానికి అనుకూలమైన పంటలు. రాత్రి అత్యల్ప ఉష్ణోగ్రత 10 నుంచి 17 డి. సెం.గ్రే. మధ్య ఉండే ప్రాంతాల్లో బెంగుళూరు మిర్చి సాగు చేసుకోవచ్చు. ఇలాంటి వాతావరణం 30 రోజుల పాటు ఉంటే దిగుబడి బాగుంటుంది. కానీ, రాత్రి ఉష్ణోగ్రతలు పెరిగే కొద్దీ పూత రాలడం కూడా పెరుగుతుంది. కాయ నాణ్యత దెబ్బతింటుంది. అయితే, చౌడు నేలల్లో ఈ పంటను వేయవద్దు. ఇక ఫ్రెంచి చిక్కుడు కూడా శీతకాల పంటే. అయితే, అధిక మంచు, అధిక ఉష్ణోగ్రతను తట్టుకోలేదు. ఉష్ణోగ్రతలు 15 నుంచి 25 డి. సెం.గ్రే. ఉంటే మొక్క పెరుగుదల బాగుంటుంది. ఇందులో అర్క అనూప్‌, అర్క కోమల్‌ వంటి రకాలు సాగు చేసుకొంటే మంచిది. క్షార స్వభావం ఉన్న నేలల్లో ఫ్రెంచి చిక్కుడును సాగు చేయవద్దు. వీటితోపాటు క్యారట్‌, బీట్‌రూట్‌ లాంటి దుంప పంటలనూ శీతకాల పంటలుగా సాగు చేసుకోవచ్చు.