బడిలో భద్రమేనా..?
జిల్లాలోని సర్కారు బడులతో పాటు ఆశ్రమాలు, రెసిడెన్సియల్స్, వసతిగృహాలు సమస్యలతో సతమతమవుతున్నాయి.
- సమస్యలతో సతమతమవుతున్న విద్యాలయాలు
- ఊడిన తరగతి గదుల తలుపులు, కిటికీలు
- వేలాడుతున్న విద్యుత్ వైర్లు.. పై కప్పులేని బావులు
- పిచ్చిమొక్కలు, చెత్తాచెదారంతో చిత్తడిగా ఆవరణలు
- వానకాలంలో తేళ్లు, పాములతో పొంచి ఉన్న ప్రమాదం
- భయం భయంగా చదువులు సాగిస్తున్న విద్యార్థులు
కుమ్రం భీం ఆసిఫాబాద్, జూలై 4 (నమస్తే తెలంగాణ) : జిల్లాలోని సర్కారు బడులతో పాటు ఆశ్రమాలు, రెసిడెన్సియల్స్, వసతిగృహాలు సమస్యలతో సతమతమవుతున్నాయి. ఊడిన తలుపులు, కిటికీలు.. వేలాడుతున్న విద్యుత్ వైర్లు.. పై కప్పులేని బావులు, కూలిన ప్రహరీలు, తెరచి ఉన్న నీటి సంపులు, పిచ్చిమొక్కలతో చిత్తడిగా మారిన ఆవరణలు.. ఇలా ఒకటేమిటి అనేక సమస్యలతో ప్రమాదకర పరిస్థితులు నెలకొన్నాయి. వానకాలం కావడంతో పాములు, తేళ్లతో పాటు విషపురుగులు సంచరించే అవకాశముండగా, విద్యార్థులు, ఉపాధ్యాయులు భయంభయంగా గడపాల్సిన దుస్థితి దాపురించింది.
అధికారుల పట్టింపేదీ?
జిల్లాలో గిరిజన సంక్షేమ ఆశ్రమాలతో పాటు బీసీ, ఎస్సీ రెసిడెన్సియల్ పాఠశాలలు, వసతి గృహాలు దాదాపు 80 వరకు ఉండగా, దాదాపు 18 వేల మంది విద్యార్థులు చదువుకుంటున్నారు. విద్యాసంస్థల ప్రారంభానికి ముందే సౌకర్యాలపై దృష్టి సారించాల్సిన అధికారులు, ఆ వైపు కన్నెత్తి చూడకపోవడం వల్ల ఇలాంటి పరిస్థితులు తలెత్తాయన్న ఆరోపణలు వెల్లువెత్తుతున్నాయి. ప్రధానంగా ఆశ్రమాలు, రెసిడెన్సియల్స్, వసతిగృహాల్లో డార్మెట్రీలు.. మొదలుకొని టాయిలెట్స్, స్నానాల గదులు, వంటశాలలు, చివరికి తరగతి గదుల్లో కూడా విద్యార్థులకు భద్రత కొరవడుతున్నది. రాత్రింబవళ్లూ భయాందోళనల నడుమ చదువులు సాగించాల్సి వస్తున్నదని పలువురు విద్యార్థులు ఆవేదన వ్యక్తం చేస్తున్నారు.
ఇటీవల సిర్పూర్(టీ) మండలం అచ్చంపల్లి ప్రభుత్వ ప్రాథమిక పాఠశాల ఆవరణలోని నీటి సంపు వద్ద మూడో తరగతి విద్యార్థిని దర్శితను పాము కాటు వేయగా, స్థానికుల సకాలంలో స్పందించడం వల్ల ప్రాణాపాయం తప్పింది. గతంలోనూ ఇలాంటి ఘటనలు అనేకం ఉన్నాయి. కాగా, ప్రస్తుతం విద్యాలయాలు అధ్వానంగా మారాయనడానికి ‘నమస్తే తెలంగాణ’ తీసిన ఈ చిత్రాలే నిదర్శనంగా నిలుస్తున్నాయి. ఈ విషయమై జిల్లా గిరిజన సంక్షేమ శాఖ అధికారి రమాదేవిని వివరణ కోరేందుకు యత్నించగా, అందుబాటులోకి రాలేదు.
Read Today's Latest Adilabad News in Telugu and Telugu News
RELATED ARTICLES
తాజా వార్తలు
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
B Pharmacy Syllabus | ఇక ఫార్మసీ విద్యార్థులకూ పైథాన్ కోడింగ్.. ఇంజినీరింగ్ తరహాలో ఏఐ, మెషిన్ లెర్నింగ్ సిలబస్ కూడా!
Kollywood | ఒకే ఫ్రేమ్లో విజయ్, రజినీకాంత్, కమల్ హాసన్.. మురిసిపోతున్న ఫ్యాన్స్
Promotions | జీపీ కార్యదర్శులకు ప్రమోషన్లు ఎప్పుడు?.. ఏడు నెలలైనా గ్రేడింగ్పై తేల్చని ప్రభుత్వం
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

