Elections | రెండవ దశ స్థానిక సంస్థల ఎన్నికల నామినేషన్ల పర్వం ప్రారంభం

Elections | రెండవ దశ సర్పంచ్ ఎన్నికల కోసం ఆదివారం తాండూర్ మండలంలో నామినేషన్ల స్వీకరణ ప్రక్రియ ప్రారంభమైంది.

తాండూర్ : రెండవ దశ సర్పంచ్ ఎన్నికల ( Elections ) కోసం ఆదివారం తాండూర్ మండలంలో నామినేషన్ల ( Nominations ) స్వీకరణ ప్రక్రియ ప్రారంభమైంది. మండలంలో మొత్తం 15 గ్రామపంచాయతీలకు సంబంధించి తాండూర్, అచ్చలాపూర్, మాదారం, కిష్టంపేట గ్రామాలలో 4 కేంద్రాల్లో నామినేషన్ల స్వీకరణకు కేంద్రాలను ఏర్పాటు చేశారు.

కిష్టంపేట-1, రాజీవ్ నగర్- 1, బోయపల్లి-1, తాండూర్-1, కొత్తపల్లి 1, నీలాయిపల్లి 2, మాదారం- 1 చొప్పున మొత్తం 8 మంది అభ్యర్థులు సర్పంచ్ స్థానానికి నామినేషన్లు వేశారని, వార్డు సభ్యులకు 10 నామినేషన్లు సమర్పించారని రిటర్నింగ్ అధికారులు తెలిపారు.

నామినేషన్ ప్రక్రియను తాండూర్ ఎంపీడీవో పీ శ్రీనివాస్, ఎస్సై కిరణ్ కుమార్, ఎంపీవో అనిల్ కుమార్ పరిశీలించి సిబ్బందికి పలు సూచనలు చేశారు.