అటవీ శాఖ అడ్డు

మారుమూల ప్రాంతాల్లోని మా వోయిస్టు ప్రభావిత గ్రామాలకు రోడ్డు సౌకర్యం కల్పించేందుకు కేంద్ర ప్రభుత్వం సమగ్ర ప్రణాళిక పథకం(ఐఏపీ-ఇంటిగ్రేటెడ్‌ యాక్షన్‌ ప్లాన్‌) ద్వారా నిధులు కేటాయించి అభివృద్ధి చేస్తున్నది.

• అనుమతులు లేక అర్ధాంతరంగా నిలిచిన రహదారులు
• ఏండ్లు గడుస్తున్నా పూర్తికాక గిరిజనులకు రోడ్డు కష్టాలు
• కేంద్ర రోడ్ల మంత్రి కరుణించాలని ప్రజల వేడుకోలు

కుమ్రం భీం ఆసిఫాబాద్‌, జూలై 17(నమస్తే తెలంగాణ) : మారుమూల ప్రాంతాల్లోని మా వోయిస్టు ప్రభావిత గ్రామాలకు రోడ్డు సౌకర్యం కల్పించేందుకు కేంద్ర ప్రభుత్వం సమగ్ర ప్రణాళిక పథకం(ఐఏపీ-ఇంటిగ్రేటెడ్‌ యాక్షన్‌ ప్లాన్‌) ద్వారా నిధులు కేటాయించి అభివృద్ధి చేస్తున్నది. కుమ్రం భీం ఆసిఫాబాద్‌ జిల్లాలో విడుతల వారీగా సుమారు రూ.5,691.65 కోట్లతో 47 పనుల ను మంజూరు చేసింది. ఈ నిధులతో రోడ్లతోపాటు వంతెనలు, కల్వర్టులు, గ్రామీణ రవాణా కు అవసరమైన సౌకర్యాలు కల్పించాలి.

జిల్లా లో దాదాపు 15 రోడ్లు అటవీ శాఖ అనుమతు లు లేక అర్ధాంతరంగా నిలిచిపోయాయి. ఏండ్లు గడుస్తున్నా రోడ్లు పూర్తికాక మారుమూల గ్రా మాల ప్రజల రహదారి కష్టాలు తీరడం లేదు. కాగా.. ఆసిఫాబాద్‌ జిల్లాలో మంగళ, బుధవారాల్లో కేంద్ర రోడ్లు, రవాణా, రహదారుల శాఖ సహాయ మంత్రి హర్ష మల్హోత్ర పర్యటిస్తున్నారు. అటవీశాఖ అనుతులు లేక నిలిచిన రోడ్డు నిర్మాణ పనులను కేంద్ర మంత్రి దృష్టికి అధికారులు, ప్రజాప్రతినిధులు తీసుకువెళ్లి పరిష్కరించాలని ప్రజలు కోరుతున్నారు.

అటవీ శాఖ అనుమతులు లేక నిలిచిన రోడ్లు కేంద్ర ప్రభుత్వ నిధులతో..
బెజ్జూర్‌ మండలంలోని సోమిని నుంచి కమ్మర్‌గాం వయా మురళీగూడ వరకు రూ.14.54 కోట్లతో వేయాల్సిన బీటీ రోడ్డు.

• సిర్పూర్‌ నుంచి వయా చీలపల్లి, లింగుగూడ రవనపల్లి, మేడిపల్లి, చిన్నమాలిని మీదుగా రూ.15.42 కోట్లతో వేయాల్సిన బీటీ రోడ్డు. నాన్‌ ఫారెస్ట్‌ ఏరియాలో పూర్తి కాగా ఫారెస్ట్‌ ఏరియాలో అనుమతులు లేక నిలిచాయి.
• వాంకిడి మండలంలోని ఖమానా నుంచి సర్కెపల్లి, కెరమెరి ఘాట్‌రోడ్డు నుంచి కిషన్‌నాయక్‌ తండా వరకు రూ.13.32 కోట్లతో వేయాల్సిన బీటీ రోడ్డు.
• ఆసిఫాబాద్‌ మండలంలోని యోవాడ్‌ నుంచి టోకెన్‌మోవాడ్‌కు, మోవాడ్‌ నుంచి చోర్‌పల్లి వరకు రూ.11.60 కోట్లతో వేయాల్సిన రోడ్లు, బెజ్జూర్‌ మండలంలోని బారెగూడ నుంచి బెజ్జూర్‌, దిందా నుంచి చిత్తం రోడ్డు, గూడెం నుంచి చిత్తం వరకు రూ.16 కోట్లతో చేపట్టాల్సిన రోడ్లు, పెంచిక ల్‌పేట్‌లోని కమ్మర్‌గాం నుంచి నందిగాం, ఖర్జీ నుంచి లోహ, కుశ్నపల్లి నుంచి బెజ్జూర్‌ వరకు రూ.88 కోట్లతో వేయాల్సిన రోడ్లు.
• తిర్యాణి మండలంలోని మంగి నుంచి దంపూర్‌, గుండాల నుంచి మంగి, రాంపూ ర్‌ నుంచి కేరెగూడ, గోవెన నుంచి జంబుల్‌ దర వరకు రూ.25.29 కోట్లతో వేయాల్సిన బీటీ రోడ్లు.
• రాఘాపూర్‌ నుంచి గోవెన వరకు రూ.5.24 కోట్లతో వేయాల్సిన బీటీ రోడ్లు.

రాష్ట్ర ప్రభుత్వ నిధులతో..

• ఆసిఫాబాద్‌ నుంచి ఉట్నూర్‌ ఎక్స్‌ రోడ్డు వరకు సుమారు 70 కిలోమీటర్ల మేర రెండు వరుసలు పూర్తయినప్పటికీ కెరమెరి ఘాట్‌లలో దాదాపు ఏడు కిలోమీటర్ల మేర రోడ్డు.
• కెరమెరి మండలంలోని హట్టి నుంచి జోడేఘాట్‌ కు వెళ్లే మార్గంలో టోకెన్‌ మోవాడ్‌ వర కు సుమారు ఐదు కిలోమీటర్ల వరకు..
• తెలంగాణ-మహారా ష్ట్ర సరిహద్దుల్లోని వివాదాస్పద గ్రామాలైన పరంధోళి, కోటా, ముకదంగూడ, మహారాజ్‌గూడ గ్రామాలకు వెళ్లే మార్గంలో 2012లో ఉమ్రి నుంచి పరంధోలి వర కు తారు రోడ్డు మంజూరైంది. కంకర పనులు పూర్తి చేసి తారు వేసే సమయంలో అటవీ అనుమతులు లేవనే సాకుతో పనులు నిలిపివేశారు.
• తిర్యాణి మండలంలోని రోంపల్లి నుంచి గుండా వరకు ఐటీడీఏతో ద్వారా రూ.8 కోట్లతో చేపట్టిన సుమారు రెండు కిలోమీటర్ల రోడ్డు.
• జైనూర్‌ నుంచి అడ్డెసరకు వెళ్లే మార్గంలో ఘాట్‌ వద్ద అటవీ అనుమతులు లేక రోడ్డు పనులు నిలిచిపోయాయి.
• కెరమెరి మండలంలోని సావర్‌ఖేడ్‌, ఇందాపూర్‌ ఘాట్‌లలో కూడా అటవీ అనుమతులు లేక రోడ్లు నిలిచాయి.