Kubheer | మండలాన్ని అన్ని విధాలా అభివృద్ధి చేస్తున్న ఎంపీడీవో కృషి అభినందీనయం

Kubheer | మండలాన్ని అభివృద్ధి పథంలో నిలిపేందుకు ఎంపీడీవో గంగాసాగర్ రెడ్డి చేస్తున్న కృషి అభినందనీయమని బీఆర్ఎస్ మండల అధ్యక్షుడు ఎన్నిల అనిల్ అన్నారు.

కుభీర్ : కుభీర్‌ ( Kubheer ) మండలాన్ని అన్ని విధాల అభివృద్ధి పథంలో నిలిపేందుకు ఎంపీడీవో గంగాసాగర్ రెడ్డి ( MPDO Ganga Sagar Reddy ) చేస్తున్న కృషి అభినంద నీయమని బీఆర్ఎస్ మండల అధ్యక్షుడు ఎన్నిల అనిల్( Ennila Anil ) అన్నారు.

నిర్మల్ జిల్లా కుబీర్ మండల పరిషత్ కార్యాలయంలో ఎంపీడీవో గంగాసాగర్ రెడ్డి పదవి బాధ్యతలు చేపట్టి సంవత్సరం పూర్తయిన సందర్భంగా పంచాయతీ కార్యదర్శులు ఏర్పాటుచేసిన సన్మాన కార్యక్రమంలో ప్రజాప్రతినిధులు, ఆయా పార్టీల ప్రతినిధులు మాట్లాడారు. పంచాయతీ ఎన్నికలు, శిథిలావస్థలో కొట్టుమిట్టాడుతున్న మండల ప్రజా పరిషత్ కార్యాలయానికి మరమ్మతులు చేపట్టారని ప్రశంసించారు.

సర్పంచ్ ఎన్నికలను సమర్ధవంతంగా నిర్వహించి ఎక్కడ లోటుపాట్లు జరగకుండా ఆయన చేసిన సేవలను కొనియాడారు. ఈ కార్యక్రమంలో ఎంపీవో భీమేష్, కుభీర్‌ సర్పంచ్ కందూరి సాయినాథ్, ఆత్మ చైర్మన్ సిద్ధం వివేకానంద, ఏఎంసీ మాజీ కందూర్ సంతోష్, ఏపీఎం హర్లాల్, పంచాయతీ కార్యదర్శుల జిల్లా ఉపాధ్యక్షులు తోట సంజీవ్, మండల అధ్యక్ష కార్యదర్శులు, విజయ్ కుమార్, పాముల కిరణ్, సర్పంచులు, కార్యదర్శులు తదితరులు పాల్గొని ఎంపీడీవోను సన్మానించారు.