రెబ్బెన, మార్చి 24: బీఆర్ఎస్ పార్టీ కార్యకర్తలకు అండగా ఉంటుందని ఆసిఫాబాద్ ఎమ్మెల్యే కోవ లక్ష్మి స్పష్టం చేశారు. రెబ్బెన బీఆర్ఎస్ పట్టణాధ్యక్షుడు రాపర్తి అశోక్ తల్లి రాపర్తి విమల ఆదివారం మృతిచెందగా, భౌతికకాయానికి పూలమాల వేసి నివాళులర్పించారు.
అనంతరం కుటుంబ సభ్యులను పరామర్శించి, అండగా ఉంటామని ధైర్యం చెప్పారు. రెబ్బెన జడ్పీటీసీ వేముర్ల సంతోష్, ఏఎంసీ మాజీ వైస్ చైర్పర్సన్ కుందారపు శంకరమ్మ, మాజీ సర్పంచ్ బొమ్మినేని అహల్యాదేవి, బీఆర్ఎస్ మహిళా మండలాధ్యక్షురాలు అన్నపూర్ణ అరుణ, మాజీ ఉపసర్పంచ్ బొమ్మినేని శ్రీధర్, నాయకులు దుర్గం భరద్వాజ్, రామడుగుల శంకర్, తదితరులున్నారు.