నస్పూర్‌లో ఇంటిగ్రేటెడ్‌ మార్కెట్‌

వారసంతలో రెండెకరాల్లో నిర్మాణానికి కసరత్తు
రూ. 4.5 కోట్ల నిధులు కేటాయించిన సర్కారు
త్వరలో టెండర్లు పిలిచి పనులు ప్రారంభించే అవకాశం
అందుబాటులోకి వస్తే ప్రజలు వ్యాపారులకు మేలు

సీసీసీ నస్పూర్‌, అక్టోబర్‌ 2;నస్పూర్‌ మున్సిపాలిటీలోని వారసంతలో ఇంటిగ్రేటెడ్‌ మార్కెట్‌ నిర్మాణానికి రాష్ట్ర ప్రభుత్వం రూ. 4.5 కోట్లు కేటాయించింది. జనాభా ప్రాతిపదికన రెండెకరాల్లో ఏర్పాటు చేయనుండగా, త్వరలోనే టెండర్లు పూర్తి చేసి పనులు ప్రారంభించనున్నది. ఇది అందుబాటులోకి వస్తే ప్రజలకు కూరగాయలు, పాలు, పండ్లు, చికెన్‌, మటన్‌, తదితర సరుకులన్నీ ఒకేచోట లభించే అవకాశముండగా, వ్యాపారులకూ సౌకర్యవంతంగా ఉంటుంది.

• కూరగాయలు, మాంసం, ఇతరాత్ర సరుకులు ఒకే చోట లభించేలా రాష్ట్ర ప్రభుత్వం చర్యలు చేపట్టింది. ఇందుకోసం ప్రతి మున్సిపాలిటీలో ఇంటిగ్రేటెడ్‌ మార్కెట్‌ ఏర్పాటు చేయాలని సంకల్పించింది. ఇందుకోసం ప్రత్యేక జీవో విడుదల చేసి నిధులను మంజూరు చేసింది. సమీకృత మార్కెట్‌ నిర్మాణానికి నస్పూర్‌ మున్సిపాలిటీ అధికారులు చర్యలు చేపట్టారు. ప్రజలకు అం దుబాటులో ఉండే విధంగా శ్రీరాంపూర్‌, కృష్ణాకాలనీ, నస్పూర్‌లో పలుచోట్ల స్థలాలను పరిశీలించారు. చివరికి సీసీసీనస్పూర్‌ సుందరయ్యకాలనీ సమీప వారసంత స్థలంలో ఇంటిగ్రేటెడ్‌ మార్కెట్‌ను ఏర్పాటు చేసేందుకు సన్నాహాలు చేస్తున్నారు. అయితే ఇక్కడి జనా భా ప్రతిపాదికన రెండు ఎకరాల్లో మార్కెట్‌ నిర్మాణం చేపట్టాలి. ఇందుకోసం అన్ని ఏర్పా ట్లు చేసి, స్థలాన్ని అందుబాటులో ఉంచాలని అదనపు కలెక్టర్‌ మధుసూదన్‌ నాయక్‌ అధికారులను ఆదేశించారు.

వారసంతలు.. రోడ్ల వెంటే విక్రయాలు..
మున్సిపాలిటీలో వారసంతలతో పాటు రోడ్ల వెంటే కూరగాయలు, మాంసం విక్రయాలు జరుగుతున్నాయి. ఇదివరకు సింగాపూర్‌, తాళ్లపల్లి, తీగల్‌పహాడ్‌, నస్పూర్‌ పంచాయతీలుగా కొనసాగాయి. తీగల్‌పహాడ్‌ మినహా ఈ గ్రామ పంచాయతీల్లో వారసంతలు ఉన్నాయి. వారంలో నాలుగు రోజులు కొనసాగే సంతల్లో ప్రజలు కూరగాయలు కొనుగోలు చేస్తున్నారు. మిగిలిన మూడు రోజులు ఆయా ప్రాంతాల్లో రోడ్లపై వ్యాపారుల వద్ద కొనుగోలు చేస్తున్నారు. ప్రస్తుతం ఈ నాలుగు పంచాయతీలను కలుపుకుని నస్పూర్‌ మున్సిపాలిటీగా ఏర్పాటు చేయడంతో సౌకర్యాలు ఒక్కొక్కటిగా మెరుగుపడుతున్నాయి.

4.5కోట్లతో ఇంటిగ్రేటెడ్‌ మార్కెట్‌..
ఇంటిగ్రేటెడ్‌ మార్కెట్‌ కోసం జనాభా ప్రతిపాదికన ప్రభుత్వం నిధులను మంజూరు చే సింది. మున్సిపాలిటీలో దాదాపు 80వేల వర కు జనాభా ఉంటుంది. దీని ఆధారంగా రూ. 4.5కోట్ల నిధులను కేటాయించింది. ఈ మా ర్కెట్‌లో కూరగాయలు, పాలు, పండ్లు, చికెన్‌, మటన్‌, నిత్యవసరాల కోసం సూపర్‌ మార్కె ట్‌ కూడా ఏర్పాటు చేయనున్నారు.మార్కెట్‌ అందుబాటులోకి వస్తే అటు ప్రజలకు, ఇటు వ్యాపారులకు సౌకర్యవంతంగా ఉంటుంది.

అందరికీ అందుబాటులో మార్కెట్‌..
ప్రజలకు సౌకర్యంగా ఉం డడానికి ప్రభు త్వం మా ర్కెట్‌ నిర్మించడానికి నిర్ణయించింది. అందరికి అ నుకూలంగా ఉండే స్థలా న్ని ఎంపిక చేస్తు న్నం. మార్కెట్‌ అందుబాటులోకి వస్తే ప్రజలు ఒకే చోట నిత్యవసర వస్తువులు కొనుగోలు చేసే అవకాశం ఉంటుంది. త్వరలోనే టెండర్లు పూర్తి చేసి పనులు ప్రారంభించడానికి చర్యలు తీసుకుంటాం.

• ఈసంపల్లి ప్రభాకర్‌, మున్సిపల్‌ చైర్మన్‌
  ఆకర్షణీయంగా సమీకృత మార్కెట్‌..
  నస్పూర్‌ మున్సిపాలిటీ పరిధిలో ఆకర్షణీయంగా ఇంటిగ్రేటెడ్‌ మార్కెట్‌ నిర్మించబోతున్నం. ఇందుకోసం ప్రభుత్వం 4.5 కోట్ల నిధులు వెచ్చించింది. కోల్‌బెల్ట్‌ ఏరియాతో అనుబంధంగా ఉన్న మున్సిపాలిటీ కాబట్టి ఇక్కడ జనాభా ఎక్కువగా ఉంటుంది. అం దరికి అందుబాటులో ఉండేలా మార్కెట్‌ నిర్మాణం చేపట్టడానికి స్థలాన్ని సేకరించడంలో కొంత సమయం పట్టింది.
• టీ రాజలింగు, మున్సిపల్‌ కమిషనర్‌