గడప గడపకూ బీఆర్‌ఎస్‌

ఆదిలాబాద్‌, నిర్మల్‌జిల్లాలో శనివారం బీఆర్‌ఎస్‌ అభ్యర్థుల ప్రచారం జోరుగా సాగింది. ఆదిలాబాద్‌, బోథ్‌ నియోజకవర్గాల్లో అభ్యర్థులు, బీఆర్‌ఎస్‌ నాయకులు గ్రామాల్లో ఇంటింటా ప్రచారం నిర్వహించారు.

• కారు గుర్తుకు ఓటెయ్యాలని అభ్యర్థన
• ఇంటింటికీ వెళ్తున్న నాయకులు, కార్యకర్తలు
• గ్రామాల్లో బ్రహ్మరథం పడుతున్న జనం
• పెరుగుతున్న చేరికలు, మద్దతు

ఆదిలాబాద్‌, నిర్మల్‌జిల్లాలో శనివారం బీఆర్‌ఎస్‌ అభ్యర్థుల ప్రచారం జోరుగా సాగింది. ఆదిలాబాద్‌, బోథ్‌ నియోజకవర్గాల్లో అభ్యర్థులు, బీఆర్‌ఎస్‌ నాయకులు గ్రామాల్లో ఇంటింటా ప్రచారం నిర్వహించారు. ఆదిలాబాద్‌ అభ్యర్థి ఎమ్మెల్యే జోగు రామన్న జైనథ్‌ మండలం కంట, మాకోడ, పిప్పల్‌గావ్‌, తరోడ, పూసాయి, డొల్లార, హంసీపూర్‌, మాండగడ, కమాయి గ్రామాల్లో విస్తృతంగా ప్రచారం నిర్వహించారు. ఇంటింటా ప్రచారంతో పాటు పొలాల్లో రైతుల వద్దకు వెళ్లి ఓట్లను అభ్యర్థించారు.

బోథ్‌ మండలం కైర్‌తట్వా, పట్నాపూర్‌, కంటెగాం, నక్కలవాడ, నిగినిలో బోథ్‌ అభ్యర్థి అనిల్‌జాదవ్‌ ప్రచారం నిర్వహించారు. ఇంటింటా తిరుగుతూ తనను ఆశీర్వదించాలని కోరారు. నిర్మల్‌ జిల్లా సోన్‌ మండలంలో నిర్మల్‌ అభ్యర్థి, మంత్రి అల్లోల ఇంద్రకరణ్‌ రెడ్డి, తానూర్‌ మండలంలోని గ్రామాల్లో ముథోల్‌ అభ్యర్థి విఠల్‌ రెడ్డి ప్రచారం చేశారు. ఖానాపూర్‌లో అభ్యర్థి జాన్సన్‌ నాయక్‌ సమక్షంలో పలువురు బీఆర్‌ఎస్‌లో చేరారు.

-ఆదిలాబాద్‌, నవంబర్‌ 18 ( నమస్తే తెలంగాణ)