Chakali Ailamma | రజక సంఘం ఆధ్వర్యంలో ఘనంగా చాకలి ఐలమ్మ జయంతి వేడుకలు

Chakali Ailamma | తెలంగాణ సాయుధ పోరాట యోధురాలు చాకలి ఐలమ్మ జయంతి వేడుకలను శనివారం మంచిర్యాల జిల్లా తాండూర్ మండల కేంద్రం రజక సంఘం ఆధ్వర్యంలో ఘనంగా నిర్వహించారు.

తాండూర్ : తెలంగాణ సాయుధ పోరాట యోధురాలు చాకలి ఐలమ్మ ( Chakali Ailammas ) జయంతి వేడుకలను శనివారం మంచిర్యాల జిల్లా తాండూర్ మండల కేంద్రం రజక సంఘం( Rajaka Sangam ) ఆధ్వర్యంలో ఘనంగా నిర్వహించారు. ఈ సందర్భంగా ఐలమ్మ చిత్రపటానికి పూలమాల వేసి నివాళి అర్పించారు.

నాయకులు మాట్లాడుతూ భూమి కోసం, భుక్తి కోసం, వెట్టిచాకిరి విముక్తి కోసం పోరాడి తెలంగాణ తెగువను ప్రపంచానికి చాటిచెప్పి, మహిళా లోకానికి స్ఫూర్తినిచ్చిన ధీరవనిత చాకలి ఐలమ్మ అని కొనియాడారు. ఆమె ఆశయ సాధన కోసం ప్రతి ఒక్కరూ కృషి చేయాలని పిలుపునిచ్చారు.

ఈ కార్యక్రమంలో రజక సంఘం తాండూర్ మండల అధ్యక్షుడు తాండూరి నరేష్, ఉపాధ్యక్షుడు చంద్రగిరి విగ్నేష్, బెల్లంపల్లి నియోజకవర్గ అధ్యక్షుడు పెండ్యాల శ్రీనివాస్, ప్రధాన కార్యదర్శి చంద్రగిరి సాంబయ్య, సంఘ సభ్యులు తాండూరి మల్లేష్, లచ్చయ్య, సతీష్ బకయ్య, సీపీఎం నాయకులు దాగాం రాజారాం పాల్గొన్నారు.