కల్యాణ లక్ష్మి చెకులు పంపిణీ చేసిన ఎమ్మెల్యే

జిల్లా కేంద్రంలోని తన క్యాంపు కార్యాలయంలో బుధవారం 66 మందికి లబ్ధిదారులకు ఎమ్మెల్యే కోవ లక్ష్మి కల్యాణ లక్ష్మి చెకులు పంపిణీ చేశారు. ఆమె మాట్లాడుతూ తెలంగాణ రాష్ట్ర తొలి ముఖ్యమంత్రి కేసీఆర్‌ పేదింటి ఆడబిడ్డల పెళ్లిళ్లకు ఆర్థికసాయమందించేందుక ఈ ప్రతిష్టాత్మక పథకం తీసుకొచ్చారన్నారు.

ఆసిఫాబాద్‌ టౌన్‌,జూన్‌ 19 : జిల్లా కేంద్రంలోని తన క్యాంపు కార్యాలయంలో బుధవారం 66 మందికి లబ్ధిదారులకు ఎమ్మెల్యే కోవ లక్ష్మి కల్యాణ లక్ష్మి చెకులు పంపిణీ చేశారు. ఆమె మాట్లాడుతూ తెలంగాణ రాష్ట్ర తొలి ముఖ్యమంత్రి కేసీఆర్‌ పేదింటి ఆడబిడ్డల పెళ్లిళ్లకు ఆర్థికసాయమందించేందుక ఈ ప్రతిష్టాత్మక పథకం తీసుకొచ్చారన్నారు.

కాంగ్రెస్‌ ఆచరణ సాధ్యంకాని హామీలతో గద్దెనెక్కి ప్రజలను మోసం చేసిందని మండిపడ్డారు. కల్యాణలక్ష్మి పథకం కింద ఆర్థికసాయంతో పాటు తులం బంగారం ఇస్తామని చెప్పి మాటమార్చిందని, ఈ విషయాన్ని ప్రజలు గమనించాలన్నారు. ఈ కార్యక్రమంలో ఆసిఫాబాద్‌ జడ్పీటీసీ అరిగెల నాగేశ్వర్‌ రావు, ఎంపీపీ మల్లికార్జున్‌ యాదవ్‌, ఆసిఫాబాద్‌ పీఏసీఎస్‌ సింగిల్‌ విండో చైర్మన్‌ అలీబిన్‌ అహ్మద్‌, వాంకిడి జడ్పీటీసీ అజయ్‌కుమార్‌, సింగిల్‌ విండో చైర్మన్‌ పెంటూ పాల్గొన్నారు.