జంట బొమ్మలు ఇంట వెలుగులు

దీపావళి వచ్చిందంటే వాకిట్లో వెలుగులే కాదు, నట్టింట్లో బొమ్మల కొలువులూ వెలుస్తాయి. రంగురంగుల్లో చూడచక్కని రూపాల్లో ఆకట్టుకునే ప్రతిమలు, కాంతుల్ని విరజిమ్ముతూ ఇంటికే కళ తెచ్చే దివ్వెలు... వేటికవే సాటి. అయితే ఈ రెంటినీ ఒక్కచోట చేర్చేలా ‘ఇండియన్‌ కపుల్‌ టీ లైట్‌ హోల్డర్లు, దియా’లు రూపొందుతున్నాయి.

దీపావళి వచ్చిందంటే వాకిట్లో వెలుగులే కాదు, నట్టింట్లో బొమ్మల కొలువులూ వెలుస్తాయి. రంగురంగుల్లో చూడచక్కని రూపాల్లో ఆకట్టుకునే ప్రతిమలు, కాంతుల్ని విరజిమ్ముతూ ఇంటికే కళ తెచ్చే దివ్వెలు… వేటికవే సాటి. అయితే ఈ రెంటినీ ఒక్కచోట చేర్చేలా ‘ఇండియన్‌ కపుల్‌ టీ లైట్‌ హోల్డర్లు, దియా’లు రూపొందుతున్నాయి. కొలువులో పెట్టుకునే అవ్వ తాతల జంట మనకు సుపరిచితమే. అచ్చం అలాగే అందమైన స్త్రీ పురుషుల జంటను బొమ్మల్లో చొప్పించి, ఆ బొమ్మ పైనే దీపం వెలిగించుకునేలా రూపొందుతున్నాయివి. మట్టితో చేసిన ఈ బొమ్మలను అందమైన రంగుల పెయింటింగులతో అలంకరిస్తున్నారు. అద్దాలు, కుందన్లు, పూసలనూ వాటికి అద్దుతున్నారు. ఊరికే చూసినా భలే ముచ్చటగా ఉన్నాయే అనిపించేట్టు ఉండే ఈ బొమ్మలు, దీపకాంతులు తోడయ్యాక మరింత దేదీప్యమానంగా కనిపిస్తాయి. వీటిలో కొన్నింటిలో దీపం నేరుగా వెలిగించుకునే వెసులుబాటు ఉంటే, మరి కొన్నింటిలో కొవ్వొత్తిని పెట్టుకునే ఏర్పాటు ఉంటుంది. ఏదేమైనా ఈ దీపావళికి జంట
వెలుగులు ఇంట పూయాలంటే వెంటనే వీటిని వెంట తెచ్చుకోవాల్సిందే… ఏమంటారు?!