శాకాహారికి.. విటమిన్‌-బీ12

ఎర్రరక్త కణాలు, డీఎన్‌ఏ తయారీలో ఎంతో కీలకంగా వ్యవహరిస్తుంది విటమిన్‌- బీ12. ఇది లోపిస్తే నాడీవ్యవస్థ దెబ్బతినడం, రక్తహీనత, తిమ్మిర్లు, కండరాల బలహీనత, జ్ఞాపకశక్తిని కోల్పోవడం, మలబద్ధకం తదితర సమస్యలు చుట్టుముడతాయి.

ఎర్రరక్త కణాలు, డీఎన్‌ఏ తయారీలో ఎంతో కీలకంగా వ్యవహరిస్తుంది విటమిన్‌- బీ12. ఇది లోపిస్తే నాడీవ్యవస్థ దెబ్బతినడం, రక్తహీనత, తిమ్మిర్లు, కండరాల బలహీనత, జ్ఞాపకశక్తిని కోల్పోవడం, మలబద్ధకం తదితర సమస్యలు చుట్టుముడతాయి. అయితే, బీ12 విటమిన్‌ ఎక్కువగా మాంసాహారంలోనే లభిస్తుంది. మరి శాకాహారుల పరిస్థితి ఏంటి? ఏ ఆహారం తింటే ఆ లోటును భర్తీ చేసుకోగలరు?

• బచ్చలికూర విటమిన్‌ బీ12 ఉత్పత్తికి ఎంతో దోహదపడుతుంది. అందుకే దీన్ని ‘సూపర్‌ఫుడ్‌’ అంటారు. మల్టీ విటమిన్లకు చిరునామా అయిన బచ్చలికూరతో సూప్‌ల నుంచి స్మూతీస్‌ వరకు ఏదైనా చేసుకోవచ్చు.
• శాకాహారులు బీట్‌రూట్‌ను రోజువారీ ఆహారంలో భాగం చేసుకోవాలి. ఇందులో ఐరన్‌ సమృద్ధిగా ఉండటంతో పాటు విటమిన్‌ బీ12 పెరుగుదలకు సాయపడుతుంది.
• శనగలను కూరల్లో భాగం చేస్తే.. ఎన్నో ఆరోగ్య ప్రయోజనాలు. వీటి ద్వారా ఫైబర్‌, ప్రొటీన్‌ ఇతర పోషకాలు శరీరానికి అందుతాయి. చికెన్‌ తిననివారు కచ్చితంగా శనగలు ఆరగించాలి.
• పాల ఉత్పత్తులు శాకాహారులకు ఒక వరమని చెప్పవచ్చు. పెరుగు, పనీర్‌లలో విటమిన్‌ బీ12 అపారంగా ఉంటుంది. సోయా మిల్క్‌, పనీర్‌ టోఫు మొదలైనవాటిని కూడా ప్రయత్నించవచ్చు.
• పాలు విరిగిన నీటిలో బీ12 ఉత్పత్తికి అవసరమయ్యే ప్రొటీన్లు, ఖనిజాలు, విటమిన్లు ఉంటాయి. అందుకే, ఆ నీటిని పారబోయకుండా పప్పు ఉడికించేందుకు వాడుకోవచ్చు.
• విటమిన్‌ బీ12 అత్యవసరమైనప్పుడు పాలు, గుడ్లు, మష్రూమ్స్‌ ద్వారా.. ఆ లోటును భర్తీ చేసుకోవచ్చు.