shakira pizza order | ష‌కీరా గొంతు మిమిక్రీ చేస్తూ పిజ్జా ఆర్డ‌ర్ ఇచ్చిన యువ‌తి.. ఆ త‌ర్వాత ఏమైందంటే..

shakira pizza order | ఏదైనా ఆర్డర్‌ చేయాలంటే, మామూలుగా అయితే ఆ పదార్థం పేరు ప్రస్తావిస్తూ ఆర్డర్‌ ఇస్తాం. గాయకులైతే ట్యూన్‌ కట్టి, పాట రూపంలోనూ ఆర్డరిచ్చే అవకాశం ఉంది. మిమిక్రీ కూడా తెలిసి ఉంటే ఇంకొంత వైవిధ్యంగా చెప్పవచ్చు. గాయని శుభా వేదుల సరిగ్గా ఇలానే చేశారు. ప్రముఖ పాప్‌ సింగర్‌ షకీరా గొంతును అనుకరిస్తూ పిజ్జా ఆర్డర్‌ చేశారు. దాన్ని ఇన్‌స్టాగ్రామ్‌లో పోస్ట్‌ చేశారు. ఇంకేముంది, సోషల్‌ మీడియాలో వైరల్‌ అయిపోయింది. అంతేకాదు, అది షకీరా దృష్టికీ వెళ్లడంతో.. “నీ ఆర్డర్‌ నేను తీసుకోవచ్చా” అంటూ ఆమె ట్విటర్‌ ద్వారా పలకరించారు. శుభ కూడా ఆనందంగా స్పందించారు. ఈ పిజ్జా కథకు ఓ నేపథ్యం ఉంది.

షకీరా స్వరాన్ని అనుకరిస్తూ ఓ పిజ్జా ఆర్డర్‌ ఇవ్వాల్సిందిగా అమెరికాలో ఉన్న ఓ మిత్రురాలు శుభను
సరదాగా అడిగారట. క్షణాల్లో ఆ పని చేశారు. అయితే, ఈ వీడియో అంత ప్రభావం చూపుతుందని మాత్రం అప్పట్లో అనుకోలేదు. అందుకే, దాదాపు రెండు నెలలు తన దగ్గరే పెట్టుకున్నారు. కానీ,
ఇన్‌స్టాగ్రామ్‌లో పోస్ట్‌ చేసిన కొన్ని గంటల్లోనే దానికి 70 లక్షల వీక్షణలు వచ్చాయి. ఇప్పుడా సంఖ్య 2 కోట్లు దాటిపోయింది. ఇప్పటికీ తన వీడియో ట్రెండింగ్‌లో ఉందని గర్వంగా చెబుతారు శుభ. షకీరా అంతటి గాయని నుంచి స్పందన రావడం చాలా గొప్ప విషయమని మురిసిపోతారు. శుభ మూలాలు తెలుగు గడ్డ మీదే ఉన్నాయి. తను విశాఖ యువతి. తెలుగు రుచులన్నా, తెలుగు భాష అన్నా ప్రాణం. ఆ పిజ్జా వీడియోకు సంగీత దర్శకుడు ఏఆర్‌ రెహమాన్‌ కూడా ఫిదా అయిపోయారు. ఫోన్‌ చేసి ‘మిమ్మల్ని బాగా ప్రభావితం చేసిన వ్యక్తి ఎవరు?’ అని శుభను అడిగారట. అందుకు ఆమె సమాధానం.. ‘మీరే’.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇవి కూడా చ‌ద‌వండి..

jai bhim | చిన‌త‌ల్లి పాత్ర‌లో న‌టించిన లిజోమోల్ ఎవ‌రు? ఆమెకు ఎలా అవ‌కాశం వ‌చ్చింది?

Ranu Mondal : యూట్యూబ‌ర్‌తో క‌లిసి చికెన్ క‌ర్రీ వండిన ర‌ను మొండ‌ల్‌.. వీడియో వైర‌ల్‌

స‌ల‌స‌లాకాగే నూనెలో చేయి పెట్టి ఫ్రై చికెన్ త‌యారీ.. షాక్ అవుతున్న నెటిజ‌న్లు

Petrol Pumps : పెట్రోల్ బంక్‌ల వ‌ద్ద సెల్‌ఫోన్స్ ఎందుకు వాడ‌కూడ‌దు? వాడితే ఏమౌతుంది?

King Cobra: పాడుబ‌డ్డ బావిలో 12 అడుగుల రాచనాగు..!