Manchu Manoj | పోతరాజు నేపథ్యంలో మంచు మనోజ్ హీరోగా RPA క్రియేషన్స్‌లో భారీ డివైన్ యాక్షన్ థ్రిల్లర్

Manchu Manoj | విభిన్న కథలు, పవర్‌ఫుల్ పాత్రలతో ప్రేక్షకులను అలరిస్తున్న హీరో మంచు మనోజ్ మరో ఆసక్తికరమైన ప్రాజెక్ట్‌తో ప్రేక్షకుల ముందుకు రానున్నారు.

Manchu Manoj | విభిన్న కథలు, పవర్‌ఫుల్ పాత్రలతో ప్రేక్షకులను అలరిస్తున్న హీరో మంచు మనోజ్ మరో ఆసక్తికరమైన ప్రాజెక్ట్‌తో ప్రేక్షకుల ముందుకు రానున్నారు. తెలంగాణ సంస్కృతి, సంప్రదాయాలు, పోతరాజు నేపథ్యంలో తెరకెక్కుతున్న ఈ బిగ్ బడ్జెట్ చిత్రాన్ని ‘డివైన్ యాక్షన్ థ్రిల్లర్’గా రూపొందిస్తున్నారు. ‘ప్రేమకథా చిత్రం’, ‘జక్కన్న’ వంటి విజయవంతమైన చిత్రాల నిర్మాతలు R. P. అక్షిత్ రెడ్డి, R. సుదర్శన్ రెడ్డి RPA క్రియేషన్స్ బ్యానర్‌పై ప్రొడక్షన్ నం. 4గా ఈ ప్రతిష్టాత్మక చిత్రాన్ని నిర్మిస్తున్నారు.

బ్లాక్‌బస్టర్ డైరెక్టర్ పూరి జగన్నాథ్ వద్ద కో-డైరెక్టర్‌గా పనిచేసిన ఏ. శ్రీధర్ ఈ సినిమా ద్వారా దర్శకుడిగా పరిచయమవుతున్నారు. దర్శకుడు ఈ సినిమా కోసం అత్యంత శక్తివంతమైన కథను సిద్ధం చేశారని, మంచు మనోజ్‌ను ఇప్పటివరకు ఎన్నడూ చూడని సరికొత్త అవతార్‌లో ఈ చిత్రంలో చూపించబోతున్నారని చిత్రబృందం తెలిపింది. పోతరాజు నేపథ్యంలో దైవిక అంశాలు, ఉత్కంఠభరితమైన కథనం, భారీ యాక్షన్ సన్నివేశాల సమ్మేళనంగా ఈ చిత్రాన్ని తెరకెక్కిస్తున్నారు. తెలంగాణ పండుగల వైభవం, సంప్రదాయాల నేపథ్యంతో రూపొందనున్న ఈ చిత్రం ప్రేక్షకులకు ఒక అద్భుతమైన సినిమాటిక్ అనుభూతిని అందించనుంది.

ఈ చిత్రానికి ఆర్. ఆయుష్ రెడ్డి కో-ప్రొడ్యూసర్‌గా, ఎం. శ్రీకాంత్ రెడ్డి ఎగ్జిక్యూటివ్ ప్రొడ్యూసర్‌గా వ్యవహరిస్తుండగా, తేజస్వి సజ్జా పీఆర్వోగా బాధ్యతలు నిర్వర్తిస్తున్నారు. ఈ చిత్రానికి సంబంధించిన టైటిల్, ఇతర నటీనటులు, సాంకేతిక నిపుణులు మరియు షూటింగ్ తదితర వివరాలను మేకర్స్ త్వరలోనే అధికారికంగా ప్రకటించనున్నారు.