Spondylitis diet | రోజురోజుకూ స్పాండిలైటిస్ సమస్య పెరుగుతున్నది. మృదులాస్థి (కార్టిలేజ్) తరుగుదల, మెడ దగ్గర ఎముకల అరుగుదలనే స్పాండిలైటిస్ ( Spondylitis ) అంటారు. ఒకసారి వచ్చిందంటే, వయసుతో పాటు పెరుగుతూనే ఉంటుంది. స్త్రీ, పురుషులిద్దరికీ వచ్చినా.. పురుషుల్లో కాస్తంత ముందుగా కనిపిస్తుంది. పనిచేసే విధానం, మెడ దగ్గర దెబ్బ తగలడం, వంశపారంపర్యత, ఆహారపు అలవాట్లు .. మొదలైనవి సమస్యకు కారణాలు. దీన్ని తగ్గించుకోవడంలో వ్యాయామం ముఖ్య పాత్ర పోషిస్తుంది. క్యాల్షియం, ప్రొటీన్, విటమిన్లు కూడా పుష్కలంగా తీసుకోవాలి.
స్పాండిలైటిస్ లక్షణాల నుంచి ఉపశమనం కలిగించేందుకు ఒమేగా-3 సప్లిమెంట్లు దోహదపడతాయి. కాబట్టి అవిసె గింజలు, వాల్నట్స్, చేపలు మొదలైనవి తీసుకోవాలి. పండ్లు-కూరగాయలు ప్యాకేజీ చిరుతిళ్లు ఎలాంటి పోషకాలూ లేని క్యాలరీలను అందిస్తాయి. వాటికి బదులుగా తాజా పండ్లను, ఎండు ఫలాలను అలవాటు చేసుకోవాలి. భోజనంలో కూడా తాజా కూరగాయలను చేర్చుకోవాలి.
పోషకాహారానికి దగ్గర కావడం ఎంత ముఖ్యమో, మద్య పానానికి దూరంగా ఉండటం అంతే అవసరం. పూర్తిగా మానేయడం కష్టమైతే రోజువారీగా మోతాదు తగ్గించాలి. కాలేయం, చిన్నపేగుల లోపలి గోడలు, ఉదర భాగాలను మద్యం పాడుచేస్తుంది. ఫలితంగా ఆహారం సరిగా జీర్ణం కాదు, అవసరమైన పోషకాలు శరీరంలోకి చేరవు.
ఆర్థరైటిస్ సమస్యకు వాడే కొన్ని మందుల ప్రభావం వల్ల పేగుల గోడలు దెబ్బ తింటాయి. కాబట్టి, అరటిపండ్లు, పెరుగు పుష్కలంగా తీసుకోవాలి. ఈ రెండిటినీ కలిపి స్మూతీగా చేసుకుని రోజుకోపూట తింటే మంచిది. పొట్టు తీయని గింజల పిండితో చేసే బ్రెడ్, చపాతీలు తీసుకోవాలి.
స్పాండిలైటిస్ తీవ్రతను తగ్గించేందుకు క్యాల్షియం బాగా ఉపయోగపడుతుంది. దీనికోసం పాలు, చీజ్, బాదం, పప్పు దినుసులు, సోయా పాలు, మీల్మేకర్ వంటిని తినాలి.
మయూరి ఆవుల, న్యూట్రిషనిస్ట్, Mayuri@trudiet.in
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
Back pain | సాఫ్ట్వేర్ ఉద్యోగులను ఎక్కువగా వేధిస్తున్న ఈ సమస్యను ఎలా జయించాలి?
Spondylitis | వర్క్ ఫ్రం హోం చేస్తున్నారా? ఈ జాగ్రత్తలు తీసుకోండి..
Omicron | ఒమిక్రాన్ పిల్లలపై ప్రభావం చూపిస్తుందా? ఈ వేరియంట్ లక్షణాలేంటి?
మునగతో ఎన్ని ప్రయోజనాలో తెలిస్తే తినకుండా ఉండలేరు