ఊబకాయం ఇలా మాయం

భారతీయ మహిళల్లో ఊబకాయం సమస్య క్రమంగా పెరుగుతున్నది. జాతీయ కుటుంబ ఆరోగ్య సర్వే ప్రకారం.. 15-49 ఏళ్ల మధ్యలో ఉన్న మహిళల్లో దాదాపు 24 శాతం మంది అధిక బరువు, ఊబకాయంతో బాధపడుతున్నట్లు వెల్లడైంది. అంటే, దాదాపు ప్రతి నలుగురిలో ఒకరిని ఈ సమస్య వేధిస్తున్నది. అయితే, ఇది కేవలం బరువు సమస్య మాత్రమే కాదు.

భారతీయ మహిళల్లో ఊబకాయం సమస్య క్రమంగా పెరుగుతున్నది. జాతీయ కుటుంబ ఆరోగ్య సర్వే ప్రకారం.. 15-49 ఏళ్ల మధ్యలో ఉన్న మహిళల్లో దాదాపు 24 శాతం మంది అధిక బరువు, ఊబకాయంతో బాధపడుతున్నట్లు వెల్లడైంది. అంటే, దాదాపు ప్రతి నలుగురిలో ఒకరిని ఈ సమస్య వేధిస్తున్నది. అయితే, ఇది కేవలం బరువు సమస్య మాత్రమే కాదు.

ఆరోగ్యం, భావోద్వేగాలతోపాటు భవిష్యత్తు తరాలమీదా ప్రతికూల ప్రభావం చూపుతుంది. ఊబకాయంతో బాధపడే మహిళలను.. పీసీఓఎస్‌, వంధ్యత్వం, గర్భధారణ సమస్యలు, గర్భస్రావాలు, మధుమేహం లాంటి సమస్యలూ చుట్టుముడుతున్నాయి. ఇలాంటి సమయంలో జీవనశైలిలో చిన్నచిన్న మార్పులు చేసుకోవడం ద్వారా ఊబకాయం బారినుంచి బయటపడొచ్చు.

• చాలామంది ‘టీ’తో రోజును ప్రారంభిస్తారు. దీనివల్ల రక్తంలో చక్కెర స్థాయులు పెరుగుతాయి. కాబట్టి, గోరువెచ్చని నీటితో రోజును మొదలుపెట్టండి. అందులో చిటికెడు దాల్చినచెక్క పొడి,
  కొన్ని నానబెట్టిన చియా గింజలు కలిపి తాగితే.. పేగులకు ఉపశమనం లభిస్తుంది. జీవక్రియ కూడా
  మెరుగుపడుతుంది.
• వ్యాయామం చేస్తున్నప్పుడు ఉదయపు ఎండలో ఓ 10 నిమిషాలు చెప్పులు లేకుండా నడవండి. దీనివల్ల పాదాలలోని నాడీ వ్యవస్థ చురుగ్గా పనిచేస్తుంది. కార్టిసాల్‌ వంటి హార్మోన్లను నియంత్రిస్తుంది. అంతేకాకుండా.. శరీరానికి కావాల్సిన విటమిన్‌ డి ఉత్పత్తి జరిగి.. బరువు పెరగాడాన్ని నియంత్రిస్తుంది.
• ఆహారాన్ని ఆగమాగం తినడం మానేయండి. ప్రతి ముద్దనూ.. బాగా నమిలి మింగండి. దీనివల్ల కొద్దిగా తినగానే.. కడుపు నిండిన భావన కలుగుతుంది. బరువు నియంత్రణలో ఉంటుంది.
• రాత్రి భోజనాన్ని నిద్రపోవడానికి మూడు గంటలకు ముందే ముగించండి. దీనివల్ల ఆహారాన్ని జీర్ణం చేసుకోవడానికి శరీరానికి తగిన సమయం దక్కుతుంది. శరీరంలో కొవ్వు నిల్వలు పేరుకు పోకుండా చూస్తుంది.
• భారతీయ మహిళల్లో చాలామంది ఒత్తిడి, ఆందోళనను బయట పడనీయరు. బరువు పెరగడానికి ఇది కూడా ఓ కారణమే అంటున్నారు నిపుణులు. కాబట్టి, వీటినుంచి బయటపడేందుకు యోగా, ధ్యానం లాంటివాటిని ఆశ్రయించండి.